8.12.05

Mi intentiones con iste blog, le characteristica de iste blog

Salute, amicos!

Io va facer plus de notitias hic del typo "diario", de plus anque mi personal experientias, pensatas e traductiones. Io vole exprimer hic mi opiniones sinceremente e io vole presentar le realitate in le mundo e in Hungaria. Forsan io va usar parolas un poco plus drastic, va formular un poco plus rectemente; io spera, io non va offender hic alicuno per isto; si totevia, vole ben pardonar me. Io pensa, iste foro es bon anque pro presentar Hungaria e le cultura hungare sinceremente pro le large mundo e io sape, isto non ancora es attingibile in interlingua. Iste blog sera bon forsan anque pro corriger le informationes false, forsan anque negative in le Europa de West e in le mundo super le hungaros, super le cultura, lingua, traditiones hungare e super Hungaria e su historia, etc. Ma naturalmente non solmente entratas con le thema hungare va trovar se hic, ma qualcunque cosas, le quales es interessante pro me e super le quales io pensa, que isto pote ser interessante anque pro alteres. Anque de plus vos pote expectar de me articulos de novas de un characteristica un poco minus seriose, como vos es ja accostumate al characteristica del blog de Internodio. Io non vole ser mi proprie concurrentia, mesmo non illo de Martijn Dekker, pro isto io pote assecurar totos, que nostre blog con Martijn, Internodio va remaner e io va actualisar lo parallelmente insimul con isto per le nove entratas de hic, le quales conveni al characteristica de Internodio (i.e.: novas de un sorta un poco minus seriose, con minus de politica...)

Io expecta vostre commentarios a cata un de mi entratas!

Ma, pro formular sinceremente, io non jammais era un typo scribente diario... anque non in le tempore precomputatorial e preinterretiari. Pro isto sera hic periodos, quando io non actualisa regularmente mi blog. In iste caso mi vetule entratas (il ha multes!) sta a vostre disposition a leger (o releger los plus attentivemente); e - a comentar! (Ma io me hastara, naturalmente.)

Con salutes amical:

Péter Kovács

5 comments:

N said...

Salute. Ben, io ha removite le ligamine e eliminate le entrata. Ma naturalmente non es tante facile - tu blog es trovabile per le cercatores de blogs, e va remaner facilmente trovabile. Es le "natura" del blogs que illos es trovabile.

Io spera que tu continua le blog, e que io pote reinserer le ligamine.

Morten Svendsen
intermosvends.blogspot.com

P.S. Io nunquam ha criticate le color de tu altere blog.

Petro Ferrero de Hungaria said...

Salute!

Si, tu lo ha criticate; tu diceva, pro te le fundo nigre face le leger plus difficile.

Forsan io ha abandonate actualisar mi blogs in le anno previe, proque on sempre trova mitypos, errores, eliminationes de parolas, litteras, etc. in le entratas; dunque un blog require un constante amelioration e non solmente scriber nove articulos in illo. Anque io deberea cambiar le parolas basic in le blog in le anglese (view my complette profile; name, etc.), como tu lo ha facite. Ma io deberea haber tanto multe cargas de altere sorta, non solmente ameliorar mi blog (del resto le idea de facer un blog exclusivemente in interlingua nasceva in me secundo tu critica a mi altere blog - que tu non comprende le hungaro, etc., ma lo que io lo ha comenciate facer justo heri, era un idea immediate, ad hoc, como un experientia. Ma io vide, iste blog e le blogs monolingue son plus transvisibile pro uno).

Péter

Petro Ferrero de Hungaria said...

Correction: mistypos (vide, ecce un bon exemplo de eliminar un littera... :) )

Petro Ferrero de Hungaria said...

Correction: experimento (non experientia...) :-D

Petro Ferrero de Hungaria said...

Salute, Morten!

>>Ma naturalmente non es tante facile - tu blog es trovabile per le cercatores de blogs, e va remaner facilmente trovabile.<<

Con isto io non ha problemas, io vole solmente, que mi blog non sia apartemente propagandate pro le interlinguistas (io vole mesurar forsan, quanto de illes lo trova sin reclamo); si alicuno vermente vole trovar lo, illo va trovar lo; nonne? Un additional reclamo non es besoniate - provisorimente.

>>Io spera que [...] io pote reinserer le ligamine."

Io va annunciar te, quando io vole, que tu face mi blog plus cognoscite. Ma alora io va te definitivemente demandar publicar le ligamine... :) Ma non ancora.

Bloggante:

Péter Kovács