Le taiwaneses ha nove defia. Desde ora, secundo un nove lege del governamento, le scriptura de tote le documentos debe esser comenciate del sinistre parte del papiro al dextere, secundo le practica occidental - le qual es justo le inverse maniera, que illo de Taiwan usque nunc. On face iste cambiamento, proque multe parolas anglese es usate in le textos, scribite alicun vices del dextere latere al sinistre. Le governamento intende finir iste situation chaotic per le lege, le qual non concerne documentos historic.
Que vos pensa super iste manifestation del globalisation guidate per le lingua anglese, destruente ancian culturas?
Ascolta le texto!
4 comments:
Multo interessante. Cambiamento del direction naturalmente es un poco drastic ... ma io credeva que le traditional direction del scriptura chinese era de supra in basso. Forsan on ja ha cambiate del direction plure vices.
Io vide que tu, al momento, publica un entrata cata 3-tie minuta! Le themas del blog monstra que isto va devenir un blog multo interessante.
Con saltues optime
Morten Svendsen
intermosvends.blogspot.com
Car Morten Svendsen:
Io sperava, iste mi probas de un blog exclusivemente in interlingua va remaner in secreto, ma como Paolo Castellina remarcava, tu es multo veloce - tu discoperiva su probamento con un blog un die post su creation; ma ora tu ha discoperite le mie mesmo in le mesme die de su creation!
Lo que tu ora experientia es un pauco misconducente: io simplemente colligeva tote mi entratas in interlingua in mi altere blogs (Internodio e mi blog personal anterior, lo que es multilingue) e postea forsan io va ser silente durante multe tempore in vice de facer nove entratas (como in le caso de mi blogs anterior)...
Ma tu pote vider, io ha introducite un fundo de color clar pro le articulos, proque tu criticava mi fundo nigre in le altere blog. E io lo ha facite solmente pro le tue humor! :-)
Si io pote demandar te, pro le argumentos a supra non adder e non propagar le existentia de iste blog provisorimente a tu collection de ligamines.
Car Morten!
Io spera, assi per un fundo clar pro le litteras tu ja pote leger mi entratas sin difficultates.
Al mesme tempore io te incoragia opinar anque mi altere entratas, io es curiose super tu opiniones e super illos de alteres!
Péter Kovács
Post a Comment