8.12.05

Benvenite in mi nove blog!

Car lectores!

Benvenite in mi nove blog, lo que es scribite exclusivemente in interlingua, le lingua vermente international, comprensibile pro plus que 500 milliones de homines in le mundo sin studios previe; apprensibile facilemente a causa de su grammatica minimal; le latino moderne; le sol lingua auxiliar construite, lo que non es inventate (per un sol homine), ma standardisate per un gruppo de linguistas professional e seriose secundo processiones linguistic natural e methodos usual in standardisar linguas national litterari, unificate.

Primarimente mi blog continera tote le entratas facite per me in le blog de actualitates Internodio (http://internodio.cjb.net/), e postea plus novas fresc, de plus mi personal pensatas, considerationes e traductiones.

Commentarios es sempre benvenite!

KOVÁCS Péter, i.e. : "Petro Ferrero de Hungaria"

Ascolta le texto!

2 comments:

algus said...

Congratulationes

Tu ha succedite de combinar textos con audio e io es vermente incantate.
Mi capacitate de parlar interlingua es multo definite ma io vole in le futuro essayar de
producer blogs e anque mi sito con iste combination.
Amicalmente

Alf

carlos.alberto said...

Iste initiativa prendite per Péter Kovács merita vermente applausos, pois que un del major difficultates que involve le studio de Interlingua es de trovar materiales de iste sorta, que monstra qual sona le lingua quando parlate per illes qui lo maestra.