26.5.08

Le registration audio le plus vetule del mundo es discargabile

Totevia non Edison faceva le prime registration auditive del mundo. A saper: le francese Scott de Martinville le precedeva per 17 (dece septe) annos – il es ver, ille non poteva controlar su registration.

Secundo le universitate scientific francese le canto folkloric „Mary Had a Little Lamb” registrate per Thomas Alva Edison totevia non es le prime registration auditive del mundo. A saper: un imprimitor parisian, Edouard-Leon Scott de Martinville registrava un pecia de 10 secundas le 9 de april 1860 (mille octo centos sexanta), ancora in le tempore de Napoleon le 3tie (tertie).

Le apparato de Martinville nominate phonautographo grattava le undas sonic sur papiro nigrate per le fumo del lampa de oleo. Ben que ille precedeva Edison per 17 annos in le registration, al contrario de ille Martinville non poteva como a controlar, ascoltar le sonos immagazinate per sulcos cavate in papiro.

Solo le historicos e mixers sonic del projecto american First Sounds, occupante se con archivar e salvar registrationes sonic era capace de facer isto, applicante certe methodos de elaborar imagines digital. Le registration, que contine un pecia del canto folkloric francese „Au clair de la lune” es attingibile in formato mp3 sur le sito de First Sounds.


(Traduction de hungaro del pagina web http://hvg.hu )

9.5.08

ZERKULA János moriva - e le ancian stilo de sonar le violino...?

Iste septimana, le mercuridi (le 7 de maio a 2 horas in le matino) moriva le musico hungare János Zerkula de Transilvania (Romania). Su interramento occurreva hodie (le 9 de maio, venerdi) antemeridie.

Ille era un musico folkloric traditional del village hungare Gyimesközéplok (in rumano officialmente Lunca de Jos) in Transsilvania del Est, qui ha apprendite le musica traditional de ille region tamben traditionalmente, assi de su patre o granpatre, etc., dunque: de generation a generation.

Su viso se deteriorava de su juventute gradualmente, assi in ille societate traditional paisan ille non poteva facer ulle labor agricultural, etc., assi ille non poteva viver alteremente, solmente como musico (in musicamento ille era interessate tamben del resto) - al occasiones traditional del village como festas de maritage, "partys", festas de baptismo, interramentos, etc.. Al fin de su vita essente ja plenmente cec (quando io ha parlate con ille ante annos, ille me diceva, que ille vide alicun lumines, ma nihil altere cosa) ille habeva le musica como le sol occupation favorite; le musica plenava tote su vita quotidian. Recentemente ille inseniava infantes a sonar le violino, a fin que non dispare iste unic musica de su region.

Ille representava un ancian stilo de sonar le violino, que era usual ante le reformas de Paganini, in le epochas baroc e antea in le epocha del renaissance e in le epocha medieval ubique in Europa - in Hungaria iste stilo baroc o altere tractos characteristic se conservava in le musica traditional provincial ancora in le XVIIIve seculo. Postea, in le XIXve e postea le resto de Europa oblidava iste characteristicas, ma le musica traditional paisan in Transsilvania (ora in le stato Romania) los conservava in le XXme e XXIme seculos. Assi collectores de cantos folkloric (musicologos) e musicos urban moderne volente imitar iste maniera de sonar e volente sonar melodias folkloric poteva ancora trovar iste technica, stilo in le XXme / XXIme seculo e registrar los per registratores sonic in Transsilvania (Slovachia e Hungaria, etc.)

Vos pote observar alicun characteristicas de iste stilo in le caso concrete del region de János Zerkula vidente iste video ubi ille sona con su soror affin:



Que son iste characteristicas?

- Un technica de tres digitos, ubi le quatre digito servi solmente pro sonar alicun ornamentos musical, ma non jammais pro sonos principal del melodia.

- On pote observar, que ille tene le instrumento differentemente de lo como le musicos classic lo tene. Iste maniera de tener le instrumento durante sonar lo era usual in le epochas baroc o anteriormente; alicun musicos del baroco de ora recognosceva, que illes pote presentar pecias musical baroc solmente per iste maniera adequatemente e confortabilemente. Oncle János poteva exercer plus de energia, dynamica per iste maniera plus efficacemente e confortabilemente e isto era importante quando ille debeva musicar durante festas integre de maritage (olim durante mesmo tres dies).

- Al violino a vices se audi consonantia de plure cordas al mesme tempore. Isto es un imitation non-intentional del sonoritate del cornamusa - un instrumento importante del epocha del qual iste musica se origina de facto. Isto es proque iste musica non ha un accompaniamento harmonic, solmente rhythmic; livrate per un instrumento interessante, le gardon, que substitue le sonoritate del tambures medieval. Assi iste musica es un imitation subconsciente del duetto medieval de zurna e tambur.

- Le gardon se usa solmente in ille region est de Transsilvania e on non ha trovate ulle su instrumento parente con illo in Europa (solmente in Hispania il ha un simile instrumento). Illo es un instrumento de cordas, totevia un instrumento de percussion al mesme tempore, a causa del maniera de sonar lo (on batte le cordas per un bastonetto).

Al video superior on pote observar un rhythmo interessante in le prime parte del video (usque a 2:15). Quando Ferenc Sebő, un musico de folklore del movimento urban pro revivificar le folklore (o tener lo in vita) visitava Svedia, ille incontrava un musico folkloristic svedese (tamben un intellectual urban, io pensa), qui habeva solmente notas musical e non un experientia physic de su proprie folklore. Assi ille non poteva rhythmisar un melodia adequatemente. Alora Ferenc Sebő habeva le gardon a se e comenciava batter iste rhythmo hungare e assi le svedese poteva rhythmisar le melodia svedese folkloric adequatemente! Isto monstra, que le folklore hungare in Transsilvania conservava vivente ille manieras, rhythmos e stilos medieval e baroc usque le XXIme seculo, que dispareva del tradition west-europee (e nordic), ma olim era usual in tote le Europa! E gratias a Deo nos musicos, dansatores, folkloristas hungare poteva registrar iste antiquitates, valores paneuropee conservate a nos per phonographos, gramophonos, magnetophonos, cameras de films e video, etc. ancora in le XXme e XXIme seculos!

E il ha un movimento urban, cuje membro io es como musico, cuje scopo es tener iste traditiones de musica, dansa, etc. in vita, revivificar e reviver los, etc. Assi benque oncle János moriva, ma non moriva su stilo ancian, su melodias inseniate a su alumnos e registrate de ille visual- e sonicamente... P. ex. tamben a iste video se vide dansatores de Budapest de iste movimento dansante como amusamento a iste musica special ancian e regional (totevia paneuropee, historicamente).