16.9.09

Slovachia introduceva un lege nazista

Recentemente le parlamento slovac acceptava un "evolvite" version del lege de proteger le lingua statal slovac, qual projecto ha essite formulate ja in le era de Mečiar. Le version actual ha essite disveloppate per le governamento extrememente nationalista (in le mal senso del parola) de Robert Fico (pron. fitso). Iste governamento vide su primari inimico in le hungaros e vole facer toto a fin que le minoritate hungare in Slovachia sia retardate in su derectos minoritari, p. ex. in usar liberemente su lingua materne, le hungaro. Iste lege vole punir totos per summas considerabile, qui parla le hungaro (resp.: non le lingua statal slovac) in locos public, official o in situationes official (p. ex. durante tractamento medic in le hospitales, io suppone: controlo stratal del policia, etc.). Iste lege non es adequate in le Union Europee, cuje membro Slovachia es, nam UE ha le scopo de salvar e proteger linguas minoritari. Recentemente le nazistas habeva introducite tal leges non-democtratic que stigmatisava representantes de minoritates que non les placeva e los impediva in exercer lor derectos minoritari. Que on non lassa, que on protesta contra iste lege! Lege un petition in anglese (hungaro e slovaco) sub le sequente ligamine:

http://peticio.nytud.hu

In ultra de isto il es a mentionar anque, que le constitutiones tchec e slovac ancora comprehende in se le decretos de Beneš, que declara le minoritates german e hungare in Tschecoslovachia como citatanos de secunde rango! Isto anque debe esser intolerabile in le Union Europee! Secundo iste lege occurreva olim le relocationes effortiate de germanos e hungaros de Tschecoslovachia...

4 comments:

Vivaldi said...

Salute Peter

It es tre strangi e inamical decision del slovac guvernament. Yo crede que bentost on va renunciar tal lege, nam yo ne posse imaginar que in EU (quel anc yo habita) on vell posser tolerar tal decisiones. Esque acte se unicmen pri prohibition del hungar lingue? Quo pri p.ex. polones ? Esque anc yo va esser punit parlante in mi lingue matrin in li slovac teritorie ?

Petro Ferrero de Hungaria said...

Gratias, Vivaldi pro tu commento in occidental (interlingue), que es multo similar a interlingua.

Io non legeva le lege (on dice, illo es assatis complicate a leger), ma io suppone, il se tracta in illo del uso del lingua statal, que es le slovaco e de non tolerar altere linguas in general. Dunque: theoreticamente mesmo le polonese, le angles, le tscheco, etc. ma in le practica il es evidente, que iste lege es contra le lingua minoritari hungare, como le plus parlate lingua in Slovachia ultra le slovaco.

Petro Ferrero de Hungaria said...

le anglese - voleva io scriber e non "angles"

Anonymous said...

leggere l'intero blog, pretty good