13.6.08

Photos super mi amate urbe de nascentia e del habitation Zalaegerszeg - 19.


Forsan mi lectores fidel ancora memora mi serie "Photos super mi amate urbe de nascentia e de habitation", ubi io presenta photos super mi urbe Zalaegerszeg. Ora io vole revivificar, continuar iste serie, pro esser fidel al titulo URL de mi blog, que contine le nomine Zalaegerszeg (que io includeva in le URL pro scopos touristic...).

Non habente un apparato photographic in ille serie io cercava photos ja disponibile in internet e copiante los io los ha publicate in mi blog. Ma iste photos es rar, se trova in spatios differente del web e son pauc e sovente son de un qualitate que non es le optime.

Ora io, preparante me al incontro nordic de interlingua non solmente annunciava mi participation per inviar le scheda de inscription, reservava e comprava le billets pro le aviones e trainos, ma tamben comprava un camera digital (apparato photographic), del typo Fujifilm Finepix A920 (in color nigre... :-) ). (Ja Lars Rosenmeier in su blog presentava su photos super le previe incontro nordic.) Dunque plus de photos es attendibile in mi blog, forsan ispirate per lo que Mardy usa su blog exclusivemente pro presentar e commentar su photos digital e tamben in le blog de Martein Sveinsson iste factor es un importante elemento constructive.

Primarimente que vos vide iste ancian articulo mie con le photo.

Vos pote vider in illo un photo super le fontana tulipan in le Dísz Tér (Placia Ornamentate) simile a iste photo:


Esque vos sapeva, que illo era recentemente renovate...? :-D

Ora io vos presenta su stato actual, presentante ora ja un photo que io faceva per mi nove apparato:

E le renovation de illo non consisteva solmente de esser aurate, ma tamben de reciper "clausuras" (semi-clausuras) rubie...


... que me non place de un altere puncto de vista del placia; de illac le fontana non pare esser dominante a causa de iste quasi-clausuras plus alte, que diminue le vista del fontana tulipan. Ma le competentes explica iste "clausuras" per lo que on vole attinger un effecto rubie-blanc-verde - le colores national de Hungaria - assi que on face montar (ascender) plantas verde a iste (semi-)clausuras... (Ben que le plantas era plantate ibi solo recentemente, alicun plantas verde ja se vide infra le pilares quasi-blanc, assi le effecto rubie-blanc-verde theoreticamente ja pote functionar, ma io es quasi certe, que un observator superficial non remarca isto e ille probabilemente non (immediatemente) associa al tricolor hungare... Forsan on potera ja remarcar iste effecto postea, quando le plantas verde ja essera plus alte...)

8 comments:

Laurentio said...

Alcun nette photos, ben que tu ha ration que le clausuras pare un poco estranie.

Io cercava un poco in Google Earth. Es iste placia?

9 Mpixels... hmm, forsan io debe mesme comprar un nove camera assi que tu photos del conferentia non superpassa le mies. ;)

Petro Ferrero de Hungaria said...

Il es difficile recognoscer mesmo locos que on ben cognosce de un puncto de vista superior. Ma si, illo es le placia Dísz.

Sia calme, io non va usar le adjustamento de 9 megapixels, proque usar un tal grande resolution es rational solmente si on vole imprimer le photos sur papiro photographic. Ma io vole immagazinar los digitalmente. Dunque tu non debe comprar un nove apparato de iste consideration. :-)

Petro Ferrero de Hungaria said...

Scribe le resolution de tu camera digital a hic, a fin que io pote adjustar le mesme a mi apparato, pro non esser un concurrentia a te...! :-D

Laurentio said...

Hehe... Cinque o alco, io crede. :)

Ma tu ha ration que il a pena importa, si non on vole imprimer le photos. In le novantas io ha prendite un multitude de photos digital con un camera que on hodie considerarea como un absurditate. (Le photos esseva cargate sur dischettos floppy, e le major grandor esseva circa 50 KB!!) Ma pro mi oculos non-experte, ille photos pare al minus tanto bon como les que io ha prendite postea con cameras plus nove.

Tu nove camera anque poter registrar video, nonne? Ha tu considerate facer alcun intervistas etc. anque con video? Io lo mesme considera. Le qualitate naturalmente non sera multo bon, ma isto pro me non es le optime.

Tu memora forsan mi video del canto (cantar?) del ultime incontro nordic? Le qualitate de video de illo esseva multo mal, ma totevia io illo me place multo.

Petro Ferrero de Hungaria said...

Si, tamben mi co-musicante habeva le mesme experientia, habente comparante le resolutiones differente sur schermo computatorial. Ille a pena ha discoperite pixels quando ille ha aggrandite le photos mesmo de parve resolution. Le manual de mi apparato contine le recommendationes de resolutiones pro imprimer photos sur papiros A3, A4, A5 e A6.

Mi apparato pote registrar videos (solo) al resolution de 320x240. Io non planifica facer intervistas con video, proque io planifica seriose, mesmo si possibile longe intervistas audio de bon qualitate con mi registrator sonic, a fin de revivificar Radio Interlingua in alicun maniera (habente redigite le files postea in casa, miscer los con musica, etc. dunque rediger ver emissiones. Io spera, illo va succeder, io non ancora ha experientia in miscer e rediger emissiones...).

Petro Ferrero de Hungaria said...

Io voleva scriber "habente comparate".

Laurentio said...

Okay.

Forsan io debe facer un video de te 'interviewante' varie personas. :)

Petro Ferrero de Hungaria said...

Io non crede, que isto es un bon idea. Io intende leger mi questiones al interviewatos plus o minus de papiro, io non crede, que isto esserea un bon experientia pro le "telespectatores" futur de tu registrationes... :-)