6.6.08

Steve Ballmer bombardate per ovos in Hungaria


Un juvene hungaro resistente, György Nagy, studente de informatica le 19 de maio ha bombardate Steve Ballmer, homine le 43tie plus ric del mundo, director chef de Microsoft per ovos durante un presentation in un universitate, ubi Ballmer ha incontrate studentes de economia, post quando ille ha subscribite un pacto inter le governamento hungare e Microsoft. Ballmer deveniva tanto espaventate, que post le prime jecto ille se celava detra le tabula de professores e postea detra le guardas de securitate.

Si io ben sape, le pacto se tracta de lo que autogovernamentos local de colonias hungare debe usar le systema de Microsoft in lor retes interior. Ma io non es certe in isto. NAGY György, in ultra que ille es un patriota, ille prefere softwares libere, que pote esser discargate, installate e usate liberemente e gratuitemente in contra del productos de Microsoft. Ille ha criticate que le Microsoft e le governamento assi ha robate 25 milliardos HUF del citatanos hungare. Per le phrase critic e le ovos jectate NAGY György immediatemente deveniva famose in le mundo.

Vide le video que sona in le lingua original anglese, ma es partialmente subtitulate in hungaro. Le partes hungarophone non son subtitulate, io los traduce ora:




Alicuno: - Vole ben exir!

NAGY György: - O. K.

A.: - Multo rapidemente! [quasi:] "Que vos pensa?" [o quasi: „Como vos osa isto?”]

N.: - Le pais va pagar ancora multe a causa que iste homine parada hic!

A.: - Hic, hic, in iste direction, a fin que nos vide, que vos habera exite, ben? Ibi, in ille direction!

Alora se vide le subtitulo al t-shirt de György Nagy „Microsoft = Corruption” que de novo provoca riso in le publico. Io non comprende, proque le auditorio rideva tanto durante iste evento, malgrado que iste action non es ridicule, ma multo seriose e importante. György Nagy habeva facite lo que probabilemente multissime de gentes haberea volite facer... E io sape, que inter le usatores de interlingua il ha multes qui prefere softwares libere e mesmo odia Microsoft... Per iste articulo io voleva adder qualcosa a lor bon humor e benesser pro esser sympathic a illes :-)

3 comments:

.krino said...

Bellissime e interessantissime articulo!!! Io non cognosceva ancora iste advenimento. György Nagy ha tote mi admiration!!!

Gratias, Péter e
Viva le libertate!

Giovanni

rblst said...

Softwares libere pote on alsi copiar, distribuer, modificar e usar a alicun fin.

Petro Ferrero de Hungaria said...

Si, io ha omittite iste cosa in le listamento del characteristicas del softwares libere in le articulo, ma io sape isto. Si io lo faceva apparer in le parte referente del phrase, alora ille phrase ja esserea troppo longe.