12.6.06

Serie humor: Letteras de infantes - scribite a Deo

Io ha traducite istos de un show humoristic televisive hungare; io spera, io non offende derectos autorial, etc. per isto. Ma le letteras de infantes scribite a Deo io trova amusante. Le infantes pensa vermente assi; "io poterea sponder", que illos es ver letteras - ma io non sape, esque isto es assi. Nonobstante illos poterea ser ver... Qual burla vos place le plus? (Per favor scriber le numero... :-) !)



1. Car senior Deo!

Serea bon, si le humanos non se rumpe tal facilemente; in me se trova tres puncturas (suturas) e io ha recipite mesmo injectiones...!

2. Car Deo!

Pote ser, que Cain e Abel non se haberea occidite tanto
(!), si illes habeva duo aparte cameras.


3. Car Deo!

Io poterea sponder, que il es multo difficile amar totos in le mundo...Nos es solmente quatro in le familia ma isto totevia non es possibile...


4.

Mi fratre me narrava, como nos nasce. Illo non sona assatis ben...


5. Car Deo!

Nos ha apprendite, que Edison ha facite le lumine. Ma in le lection de religion on diceva, tu lo faceva... Io so secur, que ille ha robate le idea...!


6. Car Deo!

Io non jammais ha pensate, que le orange conveni con le lilac, usque a martedi, quando io ha vidite le poner del sol, que tu creava! Illo era cool!


7.

Al carneval io va vestir me como diabolo. Es isto un problema...?!


8. Car Deo!

Es tu vermente invisibile, o es isto solmente un trick...?


9. Car Deo!

Como il es, que recentemente tu ha inventate nulle nove animales? Solmente le vetules existe...


10. Car Deo!

Io te demanda poner ancora un festa inter Natal e Pascha!? Gratias!


11.

Durante tote le vacantia il pluveva. Patre era multo irate e ha dicite cosas super te, que non son permittite. Io spera, tu non va batter le...


Tu amico (io non revela, qui io so...)

12.

Gratias pro le parve FRATRE, ma io ha precate pro un parve CAN...

5 comments:

Novlangue said...

Szervusz.

Dificil a eligir.
Vielleicht no. 10.
Una mult bon' idea!

Vi snakkes! Ha det bra!

Petro Ferrero de Hungaria said...

Gratias, novlange pro le responsa.

(Su traduction:

Salute!

Il es difficile a seliger. Forsan le no. 10. Un multo bon idea!

[Io non comprende ulle lingua scandinave!])

N said...

Le commentario de Novlangue monstra que le linugas scandinave deveni de plus in plus cognoscite, anque exter le paises nordic :-)

A me, le numero 10 es le plus amusante! Ma esque on ha colligite le responsas de Deo a iste demandas?

Petro Ferrero de Hungaria said...

Si, ma secundo me ille debeva haber confundite me con te, pois que nos duo ha le mesme aspecto de nostre blogs. Isto es forsan un problema, proque io pensa, nos duo ha le blogs le plus currente (forsan le plus sovente actualisate) e illos ha le mesme aspecto... Io non te demanda a cambiar le aspecto del tue; forsan io deberea cercar un altere superficie (o cambiar un poco iste superficie pro differer del tue... :-) ).

Io poteva totevia saper del interrete, que le duo parolas scribite per Novlangue ambes es parolas de salutation in le norvegiano...

Pois que ja duo homines ha seligite le no. 10 ex inter le burlas, io vole avisar le altere lectores, que iste facto non debe influer lor electiones! :-)

N said...

Hm, esque io scribeva que le numero 10 es le plus amusante? (Si, io lo faceva ...) Io intendeva scriber que le numero 12 es le plus amusante!

Io non pote comprender que le designo identic de nostre blogs serea un problema. Ma que opine le altere lectores? - Io vide que Novlangue comenciava in le hungaro e finiva in le norvegiano, dunque, solmente ille pote saper ... :-)