Un transgenere american ha devenite un del portavoces del defensa ukrainian

 

Le transgenere american Sarah Ashton-Cirillo ha devenite un del porta-parolas del fortias del defensa ukrainian, reporta le jornal ukrainian Strana.ua. “Un del porta-parolas del fortias del defensa ukrainian ha devenite un transgenere american,” reporta Strana. Secundo le publication Ashton-Cirillo era un jornalista, se jungeva al fortias ukrainian le anno passate, era un infirmera in le defensa territorial, e postea era ferite.

 

Ille/illa es le capite del nove projecto in lingua anglese del fortia de defensa territorial “Russia Odia le Veritate”, dirigite al audientias del Statos Unite e de Europa. Su scopo es marcate como ‘contrariante propaganda russe,’" scribe Strana.

Nova del 2 de augusto 2023, traducite per le I. A. e per Péter Kovács, prendite de oroszhirek.hu.

Actualisation: le continuation - e le fin - de iste thema es, que ille/illa ha essite totevia dimittite de iste su labor e ponite sub investigation de alicun causa, que on non cognosce. Nonobstante su ultime declaration era le sequente - forsan isto era ja troppo pro le commando del Fortias de Defensa Territorial de Ukraina, secundo le qual ille/illa ha facite "declaration unautorisate", per le qual ille/illa ha "violate conventiones de derectos human":

"Le dentes del diablos russe molera, lor boccas rabiose spumara in ira”, e que tote le propagandistas russe essera persequite e le justitia essera servite, tote isto per le fide in “Deo, libertate e le sperantia del liberation”. 

Fonte: Mandiner. Actualisate le 24 de septembre 2023.

Forsan referer a Deo era ja troppo pro le commando..? Verisimilemente non le dur parolas e expressiones, le quales es sovente usate per le ukrainianos contra le russos.

Polonia facerea su contacto con Hungaria plus stricte

Autor, photo e graphica: hirado.hu

Traduction: Péter Kovács

Le polacos retorna a Hungaria e al collaboration V4. Super isto parlava le prime ministro polonese in un interview imprimite. Le contactos hungaro-polonese ha essite ponite a proba per le approches del duo paises al guerra. A saper: Varsovia criticava le governamento hungare plure vices proque illo accentuava, que Hungaria vole remaner absente del guerra. Le polacos elaborarea un nove collaboration tamben con le V4-s – reportava le Novas del canal televisive M1.

Post le eruption del guerra russo-ukrainian in februario le contactos hungaro-polonese frigidava significativemente. Le governamento polonese criticava le governamento hungare mesmo plure vices. A saper: Hungaria accentuava: illo vole remaner absente del guerra, illo non livra armas e non permitte, que le populo hungare paga le precio del guerra.

In comparation con isto le prime ministro polonese annunciava ora un torno de 180 grados in su interview date al jornal septimanal polonese con le nomine Sieci. Mateusz Morawiecki formulava: le polacos retorna a Hungaria e al collaboration V4.

Al question de un jornalista le prime ministro polonese affirmava: ille vide chance al reinitiamento del collaboration e addeva: “Le relationes verso le guerra separava nos vermente multo, ma io pensa, que per le tempore tote altere affaires, in le quales nos monstrava solidaritate, comprehension e supporto va colliger nos de novo. Io multo volerea isto.”

Mateusz Morawiecki sublineava: “Nos pote retornar e al collaboration V4, e al actiones commun con Hungaria sur terrenos, in le quales nos ha commun valores e interesses.” Postea ille addeva: verisimilemente anque le polacos es preste a isto plus tosto ora que in martio o april.

- fin del traduction -

Que es le precedente de iste torno? Le UE retene le supportos monetari de Polonia e Hungaria, como p. ex. le fundo post-covid de recuperation, etc. Hungaria decideva non negotiar super los que pertine a illo, Polonia decideva facer lo, ma malgrado que illo plenava tote le conditiones prescribite per le UE Polonia totevia non recipe le monetas pertinente a illo (como annunciava inter alteres Guy Verhofstadt). Pro isto Polonia annunciava non plus negotiar con le UE super iste monetas. Io pensa, isto es (anque) in le fundo de iste decision polonese de "retornar" a Hungaria e preferer le collaboration con illo e con le paises de Visegrád plus que lo con le UE in general. Retener le supportos de UE pro Hungaria e Polonia per le UE es absolutemente injuste e inacceptabile, proque iste duo paises es (theoreticamente) toto equal statos intra le UE, como tote le altere statos-membros. Isto ha solmente causas ideologic: le governantes del UE son ideologicamente sinistres e liberales, dum le governamentos del duo paises es christian-conservative ("dextere").

Le sosia de Putyin time, que on deveni aggressive e le occidera, quando on le vide

 

Dum tote le mundo specta Vladyimir Putyin, su sosia proba evitar le attention, proque ille time esser occidite.

Post le attaccos contra Ukraina le sol sosia professional de Putyin, Slawek Sobala, 53 annos es anxie a su securitate – scribe le jornal hungare Metropol secundo le Daily Star. Le homine polonese time, que le ukrainianos vivente in su citate natal Wroclaw e le demonstrantes contra le guerra le miscera con Putyin e pote tornar se contra ille in cata momento. “Illes me diceva plure vices, que io appare como Putyin e ora io time, que illes deveni furiose o aggressive e illes me occidera quando illes me vide” - diceva Sobala.

 

Le sosia se describe del resto como un homine allegre e pacific e anque ille non es de accordo con le guerra. Le homine de 53 annos gere un firma de livration, le labor de imitation le servi solo como un addition.

 

“Io laborava durante octo annos como sosia de Putyin e durante isto io debeva facer multissime videos e altere cargas.” - ille declarava e addeva, post quando le guerra habeva essite comenciate, su opinion se cambiava super le presidente russe.

 

 

Homine morte trovate post novem (9) annos in su appartamento

 

Un homine norvegian habeva jacite durante novem (9) annos in su appartamento in Oslo, usque quando le economo discoperiva, que ille habeva morite.

Le caso es estranie anque proque le homine circa su annos sexanta (60) plure vices se maritava e habeva infantes. Al mesme tempore secundo le vicinos ille ha essite un homine introvertite e pois que illes non le habeva incontrate illes pensava, que ille habeva cambiate domicilio o habeva venite a in un asylo de vetules.

Le homine era trovate, quando le economo demandava le adjuta del policia in aperir le appartamento, proque in illo debeva esser facite obras de mantenentia.

 

Photo: internet, illustration.

 

Secundo le politia le homine poteva morir in duo milles dece un (2011), a isto on concludeva secundo un pacchetto de lacte e un lettera.

Le autopsia monstrava, que le homine moriva de causas natural, cuje curso de pension ha essite pausate de 2018, nam on non poteva contactar le. Usque alora anque lor contos era pagate automaticamente de su conto bancari.

Grete Lien Metlid, inspectrice de policia diceva, iste caso stupefacente evocava in illes un grande amonta de questiones, como un tal caso poteva occurrer.

Fonte: un articulo hungarophone de un portal de novas, adaptate secundo le The Guardian. Traduction: Péter Kovács

 

Un die commemorative

Del 12 de april 2012 on commemora in Hungaria le die del deportatos hungare de Tchecoslovachia. In iste die del anno 1947 era comenciate le deportation de habitantes de origine hungare de villages, urbes in le Slovachia del Sud a in Hungaria pro reimplaciar les con nove habitantes de origine slovac de Hungaria. Le jorno commemorative es pro honorar le quasi 100 milles hungaros evacuate a causa del decretos de Beneš del Republica Tchecoslovac a in Hungaria, le quales expellite de lor locos de nascentia, dispossedite de lor citatanitate, communitate e substantias creava un nove domicilio pro se.

Post le prime guerra mundial in 1918 quasi un million de hungaros deveniva habitantes del nove stato Tchecoslovachia. Iste stato era reestablite post le secunde grande guerra e le programma del governamento tchecoslovac in [hu] Kassa ([sk] Košice) le 5 de april 1945 declarava le germanos e le hungaros culpabile in commun.

Al conferentia in Potsdam post le 2nde guerra mundial in junio 1945 le grande potentes se occupava con le problema, que le frontieras de Tchecoslovachia non reflecte le relationes ethnic viste le germanophonos e le hungarophonos. A saper: Tchecoslovachia includeva le territorio del Slovachia de Sud, previemente Hungaria del Nord, ubi le majoritate es hungarophone.

 

Le relationes ethnic del Slovachia hodierne viste le hungarophonos.

 

Ora io non detalia le affaire del germanos del ambiente del Sudetes, de ubi 2,2 milliones, plus 750 milles germanos era evacuate per le tchecos a Germania.

Viste le affaire del hungaros durante le negotiationes le latere tchec insisteva de nullemente corriger le frontieras, dunque remaneva le option de excambiar le habitantes inter Slovachia e Hungaria. Isto occurreva proque le tchecoslovacos voleva un stato purmente slave in le spirito del decretos de Beneš de 1945-46, in le quales le minoritates german e hungare son declarate como citatanos de secunde rango, mesmo habente revocate de illes le derectos de esser citatanos tchecoslovac usque 1948. Quasi 40 milles hungaros era obligate a labores fortiate secundo iste ordinantias, transportate in le hiberno de 1945-46 in wagones non-calefacite al ambiente del Sudetes. Le ordinantias rendeva possibile confiscar le agros del hungaros, destituer les de lor empleos, prohibir le uso official de lor lingua e cessar lor associationes. Le tchecoslovacos expelleva 36 milles hungaros, confiscava lor appartamentos.

Isto es un photo super les qui fugiva de Tchecoslovachia a in Hungaria in 1945-46 pro evitar de esser inviate a in campamentos de labor de territorios morave e tchec, dunque ancora ante le deportation de hungaros de Slovachia del Sud a in Hungaria in 1947-49.

Durante le negotiationes in Potsdam le governamento de Praga compelleva de Hungaria acceptar le plano de excambiar habitantes. Le duo lateres subscribeva le “tractato” le 27 de februario 1946. Del 12 de april 1947 era comenciate le deportation de habitantes de origine hungare de villages, urbes in le Slovachia del Sud a in Hungaria pro reimplaciar les con nove habitantes de origine slovac de Hungaria.

Le cambio de domicilios de slovacos hungarian era voluntari secundo le tractato e tante hungaros de Slovachia poteva esser deportate, quante slovacos de Hungaria se annunciava de proprie voluntate a habitar plus in Slovachia. Le tchecoslovacos propagava, que in Hungaria vive 4-500 milles slovacos, ma malgrado le expectation del governamento in Praga in le veritate solmente quasi 60 milles slovacos se annunciava pro transir a Slovachia. De alora le governamento tchecoslovac non mesmo se effortiava pro le apparentia de ager secundo le quota, ma evacuava 76 616 hungaros.

Le peso del pacchettos personal era permittite esser al maximo 20 kg.

Hungaros era transportate per vagones plen de familias verso Hungaria del 12 de april 1947 usque a 5 de junio 1949 quasi cata die e in lor locos de habitation original le tchecoslovacos placiava slovacos pro assi impedir, que ulle villages remane purmente hungare.

Hungaros deportate de Tchecoslovachia sur le via verso Hungaria in 1947. On pote observar, que illes - essente probabilemente paisanos - se vestiva in costumes traditional.

Hungaros partiente de Galanta verso Hungaria in 1947. Illes era ver hungaros, io crede, proque sur le tabella es scribite: "Ci se coce le bon paprikás (goulash)" - le resto io non pote leger, solmente le dato infra. Alicunos supponibilemente coceva portion(es) pro si multe gentes pro le viage. Io non crede, que tote iste gentes poteva esser satisfacite per si poc de repasto, io pensa, on debeva divider lo in alicun maniera inter si multe gentes...

Remaneva 200 milles hungaros in Slovachia e Tchecoslovachia voleva attinger, que mesmo illes sia deportate, proque illes voleva un stato quanto possibile purmente slave. Forsan a causa de isto Tchecoslovachia era plenmente supportate per le Union Sovietic. Ma le Statos Unite de America poneva su veto contra le plano unilateral del tchecos con le deportation del 200 milles hungaros remanente.

Usque un tempore multe milles de hungaros (30-40 secundo historicos tchec) remanente in Tchecoslovachia era tenite in campos de labor. De un tempore on non plus lo face, ma le decretos de Beneš remaneva in le constitutiones tchec e slovac mesmo hodie...