Janna Samsonova, russe habeva vivite in Asia Sudoriental e durante le ultime 5 (cinque) annos illa sequeva exclusivemente un vegan dieta crude, que consisteva de “fructos, germines de grano de heliantho, smoothies de fructos e succos de fructos”.
Un famose influencer vegan moriva in le etate de 39 (trenta-novem) annos, post que illa mangiava solo exclusivemente fructos. Le femina famose moriva “in fame e inanition”.
Janna Samsonova era satis cognoscite in le communitate vegan, illa faceva posts in le media social sub le nomine Zhanna D’Art, ubi illa popularisava le consumption crude a su plure milliones sequitores.
Secundo su amicos su costumes de consumption habeva devenite inquietantemente restrictive in le ultime menses de su vita. Illa moriva le 21 (vinti-prime) de julio “in un infection simile al cholera”, que faceva “le affliction del organismo a causa del dieta vegan” plus aggravate – diceva su matre Vera Samsonova al jornal russe Vetchernyaya Kazan.
Un amico anonyme de Janna diceva a Newsflash, que alicun menses retro illa habeva essite vidite in Sri Lanka essente in un stato “parente exhauste”.
“Illa ha essite inviate a casa a fin que illa se face tractar, ma illa fugiva de novo. Quando io la habeva vidite in Phuket, io deveniva horrificate. Io habeva habitate sur le etage sequente super illa e io timeva cata die de trovar su corpore sin vita in le matino. Io la habeva convincite de ir al tractamento, ma illo non succedeva a illa” - diceva le amico del femina.
Un altere amico sue assereva, que su nutrimento favorite habeva essite in le ultime 7 (septe) annos le durio (zibethinus), que es un fructo pungente, cognoscite de su odor acre - reportava le Time News.
“Io vide cata die, como mi corpore e mente se transforma” - diceva Janna, quando illa describeva su dieta restringente e addeva: “Io ama mi nove ego e io non va retornar jammais a mi previe costumes.”
“Io mangia repastos simple, ma io ha multe experientias como cocinera de repastos crude. Io ama facer proprie receptas e inspirar le gente de nutrir se plus sanmente” - illa scribeva plus anteriormente.
Le dieta de repastos crude pote haber plure avantages sanitari, includente perder peso, le amelioration del sanitate del corde e le minor risco del diabete, si on lo applica a un maniera balanciate, ma secundo le Healthline le dieta exclusivemente crude ha anque effectos negative, como le manco del calcium e del vitamina D, necessari pro le ossos forte. Isto pote causar le cadita del nivello B12 (be dece-duo), que pote resultar anemia, deterioration del systema nervose, infertilitate e – a un maniera un poco paradoxe – maladia cordial.
Secundo le studio publicate in le revista professional Journal of Nutrition al initio del mense les qui se nutriva secundo le vegan dieta crude consumeva 100 % (pro cento) minus que 2,4 mcg, recommendate per die del vitamina B12.
Malgrado le possibile disavantages del dieta de Janna Samsonova multe su adherentes ingagiate non se inclinava creder, que su decisiones in le repastos resultava su morte, in vice de isto illes assereva, que le substantias chimic trovabile in le fructos consumpte per illa la occideva.
Le causa official del morte de Janna ancora non ha essite constatate, pois que su familia essaya livrar su corpore a in Russia.
Fonte: Twice.hu, traducite per Péter Kovács
1 comment:
Hodie io legeva un communicato del organisation extremista "Hungarian Animal Rights Corps", cuje traduction io copia a ci a causa del mesme thema.
"Littera aperte
In dies recente, novas ha diffundite como incendio que un influencer "vegan" moriva de su "dieta". In responsa a isto, nos vole responder al information false al clickbait e al conclusiones que ha apparite.
Le morte de Janna Samsonova, 39 annos, esseva practicamente reportate como un top-historia per cata portal, culpante le "dieta vegan" pro le tragedia. Tamen, si nos lege super illo e es disposite a reguardar le articulos clickbait con un oculo critic, il deveni clar que su morte non esseva causate per su "stilo de vita vegan" del toto.
Janna Samsonova, un chef "vegan" crude, sequeva un dieta a base de plantas crude pro 10 annos, que initialmente includeva fructos, legumines, semines e fructos sic. Si nos reguarda su photos de 2013-14, nos vide un puera con un corpore completemente san. Tamen, como le annos progredeva, su habitos alimentari comenciava a prender un direction de plus in plus distortive. In un puncto illa solmente mangiava fructos exotic crude e bibeva smoothies facite ex illos, mesmo istes in quantitates parve. Sex menses ante su morte illa viveva solmente super le fructo “durian” crude e non habeva bibite aqua pro 6 annos.
Inter les qui seque un dieta crude, le methodo de "mono mealing" es usate a vices. Isto significa consumer solmente un typo de fructo/legumine, que es usate como un forma de jejuno proque illes crede que il accelera lor metabolismo si lor corpore solmente debe disrumper un typo de alimento. Janna habeva suffrite de anorexia sever e orthorexia pro annos e ben que su amatos la rogava plure vices a renunciar a su habitos visibilemente nocive, le puera non esseva disposite a cambiar. Illa esseva convincite que illa esseva forte e san e secundo su proprie admission non haberea retornate a su vetule habitos a ulle costo.
Ben que le major parte del articulos scribe super fame e un virus simile al cholera como le causa de su morte, le causa actual es incognite. Alcun dies ante le evento tragic illa divideva contento con le legenda "le vita es sin signification sed vale le pena viver si tu sape que illo es sin signification". Su amicos, familia e vicinos esseva extrememente anxie pro illa ma illa non acceptava ulle adjuta.
Il es importante declarar que lo que Janna faceva NON HABEVA ULLE COSA A FACER CON VEGANISMO excepte que illa non mangiava productos animal. Le stilo de vita vegan rejecta supporto pro industrias que exploita animales ma non priva le corpore human de ulle nutrimentos necessari, dunque illo es periculose pro nec humanes nec animales. Le major organisationes medic e dietetic affirma que un dieta ben planate a base de plantas es apte pro tote etates e cyclos de vita includente infantia, graviditate e lactation. Anorexia, orthorexia, arfid, depression e altere maladias mental al altere latere es multo periculose. Ben que multe anorexicos refere a veganismo pro evitar consumer certe cosas que illes considera insecur illo non debe esser mentionate in le mesme pagina como un es pur empathia dum le altere es un maladia periculose potentialmente fatal.
In summario qualcunque qui es vegano pote esser absolutemente forte, san, mesmo un dieta crude a base de plantas pote esser facite ben assi que le corpore recipe tote le nutrimentos necessari. Illo non vale acceptar novas sur internet como facto sin leger super illo."
Post a Comment