5.2.10

Relationes

Io ha trovate iste papiro vetule in Internet, olim tippate per machina de scriber. Io non pote constatar, si illo es un documento vermente existite in le passato o un falsification posterior; nonobstante infra io da le traduction de illo.

Illo poterea esser un bon texto pro cursos de interlingua in le thema del relationes familial.

Alicuno poterea sequer iste relationes, meditar re illos e constatar, si illos es ver! Ille / illa deberea informar me super lo que ille / illa constatava!


"Estimate Consilio Territorial Conciliante,

Io me torna al estimate Conciliante Consilio Territorial con le demanda, que vos vole ben decider in mi affaire de supplemento de moneta familial.

Io maritava un vidua in 1962, qui habeva un filia adulte. Mi patre sovente visitava nos, cuje resultato ha essite, que ille maritava mi filiastra.

Per isto naturalmente mi filiastra deveniva mi matrastra e mi patre deveniva mi filio affin. Le marita de mi patre, i. e. mi filiastra, qui al mesme tempore es mi matre parturiva un filio, cuje fratrastro es io – secundo isto – pois que io es le marito del matre de mi filiastra; assi mi marita deveniva mi granmatre.


Nonobstante intertanto anque mi marita parturiva un filio, qui deveniva le fratre affin de mi patre e mi oncle al mesme tempore; proque si le fratre de mi matrastra es mi filio, alora io es mi proprie granpatre.


Vole ben judicar, si mi filio, respectivemente mi oncle es autorisate al supplemento familial de moneta!"

2 comments:

augusto cardeal said...

Isto me face venir al mente le maritage del guitarrista basse del Rolling Stones, Bill Wyman, qui in 1989 maritava un juvene con circa 20 annos e passate alicun tempore le filio de ille maritava se con le matre del juvene sposa de su patre.

Salutes,
carlos soreto

Petro Ferrero de Hungaria said...

Ah...relationes complicate. Io mesme es pigre pro meditar re illos, ma si alicuno lo faceva, vole ben informar me, si illos es ver!