13.12.09

Radio Interlingua 016 con actualitates, novas de interlingua

Car ascoltatores, lectores!

In le emission no. 16 (numero dece-sex) de Radio Interlingua (pro novembre 2009 / duo milles novem) primo Thomas Breinstrup interviewa Ingvar Stenström, le secretario del Societate Svedese pro Interlingua super le sequente 12nde (dece-secunde) Incontro Nordic de interlingua in Kalmar, Svedia, que essera realisate in le ultime septimana de julio 2010 (duo milles dece).

Postea anque in plus, Thomas Breinstrup, redactor del revista Panorama in interlingua parla super le formato digital del jornal, al qual on potera abonar se ab januario 2010.

Finalmente le redactor mesme, Péter Kovács informa vos super le apparition recente de mesmo duo correctores orthographic de interlingua in le computator: le un in le programma pro rediger textos Open Office, le altere in le navigator Mozilla Firefox.

Un bon divertimento pro vos per Radio Interlingua!

Get this widget | Track details | eSnips Social DNA

3 comments:

Josu Lavin said...

Car amico Petro,

Tú face vermente un travalio magnífic!

Imbracios amical

Petro Ferrero de Hungaria said...

Gratias, Josu, ma iste vice io habeva un travalio legier (relativemente...), nam io recipeva mesmo duo materiales preste de Thomas Breinstrup e le occurrentias actual de interlingua assecurava le novas interessante, apparente in iste emission. A causa del manco de tempore io habeva retardo in publicar iste emission de novembre (!), e del mesme causa illo non contine musica iste vice...

Ora io debe concentrar mi effortios a publicar le emission de decembre ancora in decembre...!

Petro Ferrero de Hungaria said...

...e io habeva un labor relativemente plus legier tamben proque nos debeva solmente repeter le informationes per voce, que ja appareva in scripto in relation con interlingua..