22.8.08

Radio Interlingua in internet!

Car amicos!

Con grande gaudio io vos informa, que Radio Interlingua (de novo) "emitte" in internet!

Post le initiativa de Simona e Florin Sunel in 1997, le Radio Interlingua renovate in 2008 ha su prime emission preste e accessibile pro totos. Su loco primari es a http://www.interlingua.com/radio , ma vos pote ascoltar le prime emission, que io ha redigite tamben de hic:

Get this widget | Track details | eSnips Social DNA

Del contento: | Presentation de Radio Interlingua | Que es interlingua? | Actualitates de interlingua: 11me incontro nordic de interlingua, Linköping, Svedia | Interview in interlingua: Péter Kovács parla con Bengt Enqvist, vice-presidente del Societate Svedese pro Interlingua, durante le incontro nordic de interlingua.

Intertanto vos pote audir musica popular ruman, al honor del copula Şunel de Romania, qui ha initiate le radio in 1997.

Le plus importante characteristica de Radio Interlingua es, que illo parla in le lingua auxiliar interlingua de IALA (pro plus de detalios super le characteristicas lege plus in le pagina http://www.interlingua.com/radio ).

Vos es multo benvenite scriber vostre propositiones, opiniones, criticas, observationes, ideas, etc. in forma de commentarios, o emails del pagina http://www.interlingua.com/radio/participa , respectivemente del paginas aparte del emissiones, como illo del prime: http://www.interlingua.com/node/527 . Ma viste que le lista de tote le emissiones appare in le pagina principal http://www.interlingua.com/radio , on pote commentar le emissiones aparte tamben de iste pagina.

Quicunque pote contribuer vocalmente al emissiones (pro exemplo legente textos in interlingua o parlante liberemente...), vide hic, como: http://www.interlingua.com/radio/participa ; le procession es multo simple, quicunque es capace a facer registrationes vocal per computator! Si totevia illo se prova difficile pro te, consulta le redaction per le adresse e-postal radio@interlingua.com e forsan nos va trovar un altere solution p. ex. pro esser interviewate per me... :-)

Io, Péter Kovács es le sol redactor usque ora, ma io multo me gauderea, si io habeva co-redactores persistente o occasional con contributiones vocal in qualcunque thema - le sol condition es, que on parla in interlingua de IALA, grammatica- e linguisticamente correctemente, con le pronunciation e accentos normative.

Io vole regratiar a Thomas Breinstrup e Alberto Mardegan que illes dedicava lor tempores pro le labor technic de publicar Radio Interlingua in le sito de UMI www.interlingua.com.


6 comments:

Petro Ferrero de Hungaria said...

...e ecce un mention anglophone de un rumano, qui era surprendite per le musica ruman, que io includeva a in le emission pro assi honorar Simona e Florin Şunel de Romania, le previe redactores de Radio Interlingua in 1997:

http://mariusfilip.blogspot.com/2008/08/radio-interlingua.html

Le blog de Marius Filip contine tamben entratas in interlingua.

Morten Svendsen said...

Congratulationes con le prime emission - me gusta! Belle musica energic, e interevista sympathic con Bengt Enqvist. Io me ha abonnate al podcast. Io pensa que tu forsan ha material sufficiente pro duo serias de emissiones/podcasts: uno con novas e intervistas in interlingua (sin musica), e altere con musica (con curte commentarios/introductiones in interlingua). Le combination del duo forsan non sempre serea le melior solution in un emission de 15 minutas. Ma isto solmente es mi impression. Finalmente io me demanda: esque tu face le emissiones primarimente pro le personas qui ja cognosce interlingua - o pro le personas qui audi le lingua pro le prime vice? Io attende le secunde emission! :-)

Petro Ferrero de Hungaria said...

Salute, Morten

Ora io non ancora ha un imagine assatis clar mesmo super le secunde emission, pro isto io te regratia le ideas. Ma io non vole facer duo differente sortas de emissiones: io comenciara rediger le emission e al fin il se manifesta, que deveniva de illo. Assi io faceva le prime emission, quando io lo ha comenciate, io non habeva un totalmente clar imagine, que e como a facer, ma finalmente subito se creava le emission.

Si, io pensa, io ha assatis de material, multe interviews facite in Linköping e previe registrationes in Asa (le conferentia international de interlingua in 2005), e le files audio publicate ja in internet, si le creatores de illos permitte usar los in le podcasts. E multe de musica (libere de derectos).

Si, io non pote promitter, que p. ex. le sequente emission essera de 15 minutas, proque forsan io non volerea secar un interview in duo partes pro isto.

Io face le emissiones al ambe gruppos, que tu mentiona. Al minus isto es le scopo. Io lo ja ha dicite in le incontro nordic, que Thomas Breinstrup me faceva repeter in un altere formulation in le pagina principal de radio, ha tu legite? "Radio Interlingua ha le scopo de informar interessatos super le existentia e usabilitate del lingua auxiliar interlingua - internationalmente ben comprensibile e vivente, usabile efficacemente pro communication verbal.

Radio Interlingua tamben informa le movimento de interlingua super le occurrentias recente del vita interlinguaphone."

Martein Sveinsson said...

Esque tu sape si on ha retrovate le files con le emissiones del prime Radio Interlingua? Serea interessante audir fragemtentos de iste transmissiones como parte del nove Radio Interlingua ("perlas del archivo"). Io pensa haber audite (o probabilemente legite) que le files es via, ma io non comprende isto: esque on ha demandate a illes qui discargava le files del emissiones 10 annos retro? Generalmente, on dice que un file o un pictura cargate in le rete nunquam dispare. Esque on vermente ha cercate profunde- e minutiosemente?

Petro Ferrero de Hungaria said...

Si, io lo ha demandate de Simona e Florin mesme in programmas de chat: le files vermente dispareva, illes non los trova a lor computatores e nulle archivo in internet los conservava... Ma in su commentario al prime emission Simona scribe, que "...conta a nos pro adjuta!" Io spera, que isto significa, que illes vole collaborar con me in facer le podcasts e assi los qui ha audite lor prime emission(es?) in 1997 habera un sentimentos nostalgic reaudiente le voces de Simona e Florin.

Anonymous said...

La ringrazio per Blog intiresny