5.10.06

Famose hungaros - 1. Charles Simonyi


Charles Simonyi habita in le SUA desde le 1970s (desde su etate de 17 annos). Ille es disveloppator de softwares, le patre del programmas Word (redactor de textos) e Excel del Microsoft. De plus le notation hungare in le informatica refere a su nomine.



Ille va ser le sequente "tourista spatial", como americano (ma de origine hungare, con lingua materne hungare, nascite in Hungaria).


Actualisation:

Ora (in april 2007) SIMONYI Károly (pron. Shimonyi) ja se trova in le spatio. Ille ha lassate le Terra de Baykonur (station russe, locate de Kazakhstan) per le astronave Soyuz TMA-10 e recentemente se ha adjungite a ISS (Station International Spatial) con duo cosmonautas russe (qui va remaner ibi usque circa octobre, durante que Simonyi retorna al Terra post le 20 de april per le astronave Soyuz TMA-9).

Si vos consulta le blog de Simonyi http://www.charlesinspace.com e clicca a"Multimedia", vos pote vider e audir le intervista con le gruppo includente Simonyi, qui parlava mesmo in hungaro con su fratre e con le prime astronauta hungare FARKAS Bertalan qui le adjutava in le preparationes al viage per su consilios. Le fratre de Simonyi e Bertalan Farkas tamben diceva a Charles in hungaro, que il ha 27 annos, que on communicava in hungaro in le spatio, pro isto illes le saluta de iste occasion tamben.

Simonyi essente in le spatio va esser connectite con radioamatores hungare tamben e post su retorno ille va render designos comportate de infantes hungare a illes con su signatura. Ma su sojorno in le spatio non solmente es(sera) un tour de facer nihil: ille testa le nove version del apparato de disveloppamento hungare nominate Pille (cuje version initial era testate per Bertalan Farkas, le prime cosmonauta hungare ante 27 annos), que mesura le reactiones physic del corpore human in le spatio.

4 comments:

Mardy said...

Ah-ah! Ergo le persona culpabile de Word es un hungaro (o semi-hungaro)!

Io suppone, que in realitate on lo manda in le spatio non como tourista, ma como exiliato! ;-)

Petro Ferrero de Hungaria said...

Io pensa, ille non es un semi-hungaro, ma totalmente hungaro (ma io sape nihil super su genes...). Secundo me ille non es "culpabile" pro Word, ma illo es "regratiabile" a ille. Illo es un bon programma, non existeva simile a illo in ille tempore. (Ora le redactor textual de Open Office es ja melior, ma "in ille tempore", io scribeva.) E secundo me le Excel es un vermente bon programma (io non ha apprendite le simile programma de Open Office pro le calculationes tabellic, e io non comprende illo e secundo me illo es plus difficile).

Io anque meditava super lo que tu scribe super ille como exeliato e non como tourista, proque multes odia Microsoft (anque tu) e Windows e Bill Gates, ma io opina, on non debe inmiscer in iste odio le talento e le bon labor de un homine, que es appreciabile, como production e lo que conquireva le mundo. Dunque on debe appreciar le effortios, productiones individual de tal individuos talentose, ma le affaires de business de Bill Gates es un altere cosa, non cambiabile con isto!

Morten Svendsen said...

Io pensa que Excel vermente es excel-lente. Mi congratulationes al sr Simonyi. (Excel me place multo, ma non sempre in combination con Word.)

Anonymous said...

Bon, pro me Wordperfect 5.0 va sempre esser un melior programma que Word, inter altere a causa del functiona "monstra codice", que sempre lassava uno vider ubi in le documento on se trovava, e ubi le varie codices commenciava e finiva. Al contrario, in Word, sovente cosas estranie occure sin ulle explanation logic - si on cancella un spatio, tote le typographia del sectiones circumferente es cambiate sin ulle motivation del toto, etc. In plus Word me pare multo "inamical al usator"; on debe cliccar 10 buttones pro activar un funtion simple etc. etc.

Ah, le bon vetule Wordperfect 5.1 con su schermo blau... (Il es, il haberea essite blau si mi schermo esseva in color...) :)