9.8.06

Le sol cembalo lyric in le mundo construite recentemente post 400 annos se trova in Miskolc, Hungaria

Le instrumento era construite per un maestro hungare secundo le descriptiones de Bach

Novas de RTL Klub - Erika Pap-Tóth
06-07-2006 18:19:48

Traduction: Péter Kovács

Le interessatos pote vider ab hodie un instrumento special unic in le mundo in le museo Herman Ottó in Miskolc. Le instrumento era construite per un maestro hungare. Ille ha laborate a illo durante plure annos, e pois que il non habeva un version original, secundo le qual ille haberea potite construer lo, ille ha facite le lyra de 50 kg secundo le description de Bach.

Bach componeva mesmo plure obras pro cembalo lyric, ma anque le musica contemporanee sona ben per iste instrumento.

"In le sonoritate illo es unic, pro que illo ha chordas de lyra; justo tales, le quales un lyra classic ha" - dice le creator del cembalo lyric, Tihamér Romanek, qui ha facite construer le chordas in Germania. Le lyra unic se construeva durante plure annos e su valor es inappreciabile.

Le instrumento se trova in le museo de Miskolc, inter alteres in compania de violinos e gitarras. Anque istos se construeva per maestros hungare, qui face importar le materias prime sovente de altere continentes. Al exposition on pote sequer anque le processo de construer instrumentos musical.

(Fin del articulo)

Como io discoperiva iste cosa? Io navigava in le archivo sonic del Radio Hungare e remarcava le parola "lantcsembaló", i.e. "lyra-cembalo" dunque in interlingua forsan "cembalo lyric" (secundo le information in le rete le anglese nomine del instrumento sembla ser "lute-harpsichord"; le nomine german "Lautenwer[c]k", si illo es vermente identic con iste instrumento in question). Io non jammais ha audite iste parola antea, o le fama de iste istrumento del toto. Assi io ha ascoltate le fila audio in le archivo (vide le ligamine in basso) e ha navigate plus in le rete, e trovava iste articulo e le informationes infra.

- Le instrumento ha duo manuales e sex registros.

- Il habeva ja concertos in le pais facite per iste instrumento, sonate per plure musicos. Inter alteres le instrumento se audiva anque al famose festival folkloristic Kaláka iste estate, e in le festa de creatores de instrumentos musical.

- Le pagina de Tihamér Romanek, qui ha construite le instrumento.

- Gergely Sárközi, le gitarrista-lyrista era registrate sur le prime disco (e cassetta) in le mundo continente musica per cembalo lyric. (Intertanto le maestro Romanek probabilemente construeva ancora un instrumento, si non plus.)

- Filas auditive:

1. Le programma discargabile del archivo del Radio Hungare. (Post le texto introductori le prime obra musical es sonate per cembalo lyric.)

2.

3.

- Ancora qualque photos:







- Filas de video:

1. Cliccante al ligamine le plus superior (illo al articulo original) on pote vider le video super le nova como illo appareva in le programma de novas del television hungarophone RTL Klub. Al initio se audi le sono del instrumento (e naturalmente se vide le instrumento mesme).

2.

3.

10 comments:

falagatus said...

Car Peter
Tu ha sovente articulos interessante in tu blog e io vide que tu ha grande cognoscientias re le rete e le possibilitates de usar un blog pro videos e sonos.
Io ha multo de apprender per leger tu blog.
Iste vice io ha legite re le cembalo in Miscols, un ver obra de arte, que beltate, e ascoltate le obra de Bach.
Gratias pro un grande experientia.
Alf

Petro Ferrero de Hungaria said...

Car Algus!

Gratias pro tu commentario, lo que me gaudeva, era aggradibile pro me. Ora io vide, que il ha senso de facer mi blog, proque non solmente Morten e Lars lo lege... :-)

Lo que io technicamente faceva es solmente diriger ligamines a filas de video e sonic ja existente in altere locos in le internet. Per le photos io habeva ja plus de problemas. Sovente non es successose le insertion de photos ab un altere sito web - le photos alora non appare in le entratas del blog. Alora io los copia a mi computator proprie e assi io los pone a mi blog. Alora le photos certemente appare in le blog.

Le nomine del urbe (al nord-oriente de Hungaria) es Miskolc, pronuncia: 'Mishkolts'.

Laurentio said...

Car Péter

Interessante entrata.

Esque io ha comprendite correctemente, que le prime photo es del novo cembalo lyric, e le tres sequente monstra vetule cembalos lyric (con etates de plus que 400 annos)?

E que le prime filo sonor es del nove instrumento, e le duo sequentes del vetules?

In tal caso, le vetules ha un timbro plus simile a ver cembalos, que le nove, que pare plus como un instrumento de chorda. (Un lyra, io suppone - io ha nunquam audite un tal.)Forsan le timbro del vetules se ha cambiate con le tempore?

In omne caso, le timbro del nove me pare agradabile.

Del resto, le prime del vetule cembalos ha un similantia frappante con un ornithorhynco. :)

Petro Ferrero de Hungaria said...

No, car Lars; tu lo ha comprendite falsemente. In le articulo traducite per me (vide al initio del entrata) sta: "...pois que il non habeva un version original, secundo le qual ille [le maestro construente instrumentos] haberea potite construer lo, ille ha facite le lyra de 50 kg secundo le description de Bach." Dunque il non habeva ulle instrumento in 400 annos de etate, secundo le qual le maestro haberea potite construer lo como copia. Pro isto ille debeva tornar se al descriptiones de Bach pro poter construer lo.

Secundo le fontes tote le filas auditive presenta le sono del mesme typo del instrumentos, i.e. le cembalo lyric. Iste instrumento vermente simila al lyras in le aspecto e in le principio de fortificar le sono, vide le secundo photo (le prime intra le gruppo de tres photos), que monstra le corpore del instrumento. Si io ha vidite le filmes ben, le chordas es visibile in le parte superior del corpore sonic, como illos es visibile a un lyra o gitarra, etc.

Interessantemente anque io ha discoperite duo differente sonoritates in le filas audio e le videos: un plus "rude" que simila al sonoritates del cembalos "ordinari", e un plus molle, que me recorda al sonoritates del pianos de hodie e del lyras (gitarras). Ma forsan isto non monstra, que il se tractarea de duo differente instrumentos (un cembalo lyric e un altere typo del cembalo), proque anque a cembalos ordinari on pote differentiar inter iste duo sonoritates per un solution technic (per un "button"...? O forsan per cambiar simplemente al altere claviatura / manual...?). Totevia, le sono "plus molle" del cembalo lyric simila plus al sono del lyras o pianos hodierne, que illo del cembalos "ordinari".

Ma independente de isto secundo me le maestro construeva (depost le publication del articulo) non solmente un tal cembalo lyric, ma duo o mesmo tres; proque le color del instrumento sur le photo penultime es altere, que illo sur le photo ultime! E anque le manual (claviatura) de un ha un color rubie (photo 3), e del altere es nigre-blanc, como al pianos de hodie (photo 1 e 2).

Petro Ferrero de Hungaria said...

Correction: "...vide le *secunde photo..."

"...le color del instrumento sur le photo penultime es altere, que [le color de] illo sur le photo ultime!"

"E anque le manual (claviatura) de[l] un ha un color rubie (photo 3), e del altere [illo, i.e. le color] es nigre-blanc..."

E io ha ancora un observation: secundo me le tonos basse del cembalo lyric sona vermente bassemente (como basso), multo similemente como al pianos de hodie (o a lyras), in comparation con le cembalos ordinari, al quales le tonos basse non vermente sona(va) como ver basso.

Petro Ferrero de Hungaria said...

De novo un autocorrection (regrettabilemente):

"le sono "plus molle" del cembalo lyric simila plus al sono del lyras o pianos hodierne, que [a] illo del cembalos "ordinari".

Petro Ferrero de Hungaria said...

No!! Oblida mi ultime autocorrection:

"...le sono "plus molle" del cembalo lyric simila plus al sono del lyras o pianos hodierne, que illo del cembalos "ordinari".

es juste, como originalmente, proque le "illo" refere al "sono plus molle".

Forsan io es fatigate o nervose...? Io non sape, pardona!

Laurentio said...

Car Péter

Ah, tu opina que post le construction del prime instrumento, le maestro construeva duo o tres alteres? Nam, como tu ha observate, il es obvie, que le photos monstra al minus tres instrumentos differente. (Ultra le variationes in color, nota anque, que duo del photos monstra un instrumento con duo manuales, e le duo altere photos monstra instrumentos con solmente un manual.)

Isto esseva, que me confundeva legente tu entrata. Nam si solmente *un* tal instrumente existeva, como prender photos de tres? ;)

Non scribe le sitos ubi tu ha trovate le photos e filos de sono, clarmente le identitate e origine del instrumentos in le diverse photos/filos? (Io demanda, proque tu scribe: "*secundo me* le maestro construeva...". Iste suggere, que tu non es certe?)

Del resto, io justo ha 'googleate' un poco de "lute-harpsichord", e apprendeva que lo que distingue le iste instrumento es, concretemente, que le chordas non es de metallo, como in ver cembalos, ma de intestino. (Como, io suppone, anque lyras esseva.)

Petro Ferrero de Hungaria said...

>>Ah, tu opina que post le construction del prime instrumento, le maestro construeva duo o tres alteres? [...] Io demanda, proque tu scribe: "*secundo me* le maestro construeva...". Iste suggere, que tu non es certe?<<

Si, io _opina_ isto, e io non lo sape exactemente, ma io poterea demandar isto per le sito del maestro de ille mesme, io pensa.

Io non mesmo remarcava le differentia concernente le manuales. Congratulation pro te a tu remarca! :-)

De facto io celava un cosa: in le sito del constructor del instrumento il non es univoc, esque le instrumentos nominate "theorbacsembaló" e "lantcsembaló" (cembalo lyric) es identic o differente, e qual photo monstra le un instrumento e qual le altere. Il anque non es clar, qual fila audio presenta le sono del "cembalo theorba" e qual illo del "cembalo lyric". Forsan isto es le causa de iste miscomprensiones e ambiguitates e incertitudes e paradoxos, le quales nos ha (discoperite)...? Forsan isto explica anque le duo typos de sonoritate, que io ha remarcate...?

Nonobstante il me pare, que inter le duo typos de cembalo il ha pauc differentias, illos es cambiabile in plure respectos (como illo se vide in le ambiguitate del sito del constructor mesme).

>>...como prender photos de tres?<<

Io poneva quatro photos a fin que le lectores pote crear un imagine plus firme super le instrumento. E cata uno monstra le instrumento (instrumento*S*, como illo ja se verificava intertanto) de altere position, etc.

Quanto al origine del photos: illo del prime es le articulo original que io ha traducite, illo del altere tres es le sito personal del constructor, si io ben memora; ma pote ser, que un de illos io prendeva de un pagina anglophone. Al ultime tres photos il non es univoc, esque il se tracta de cembalo "theorba" o de cembalo "lyra"; qual presenta le un e qual le altere typo.

Tu googleamento (googleata?) presenta le veritate; lo que tu scribe super le differentias in le chordas es ver; le constructor mesme ha dicite iste in le reporto televisive, cuje version textual io traduceva: >"In le sonoritate illo es unic, pro que illo ha chordas de lyra; justo tales, le quales un lyra classic ha" - dice le creator del cembalo lyric, Tihamér Romanek...< Ma io pensa, non solmente le chordas es le differentia in comparation con le cembalos ordinari; alteremente il non haberea essite besoniate construer un "cembalo lyric", nonne? Considera le construction del corpore del instrumento (le corpore sonic, o como a dicer), le principio de illo. E le articulo assere, que Bach (e forsan anque Scarlatti e alteres) ha componite alicun obras specialmente pro cembalo lyric, e Bach habeva un description super le construction technic de iste instrumento. Alora certemente debe ser alicun differentia, nonne?

Io anque ha navigate inter sitos anglophone, i. a. a illo de un altere disco continente le sono del cembalo lyric. Dunque existe ancora plus (al minus un altere) disco del cembalo lyric, sonate per un artista non hungare, ma in le pagina e in le datos del disco non es mentionate, esque ille sonava a un instrumento de Hungaria o esque le registration sonic se faceva in Hungaria... Forsan non solmente iste maestro hungare Tihamér Romanek construeva un tal instumento, ma etiam alteres posteriormente (ma ille era le prime)...? Io non sape, io non cognoscentias mancante in iste tote question... De facto io non sape plus re iste thema, que io scribeva hic e in le entrata de blog.

Petro Ferrero de Hungaria said...

Io sembla memorar, que forsan le ultime duo photos era ponite per me hic como un resultato de un cercata post imagines in Google secundo le expression "lute-harpsichord" (o como illo se scribe in anglese...). Un es certe: le prime duo photos monstra le mesme instrumento, illo facite per le maestro hungare, del qual il se tracta in le emission televisive e in le articulo traducite.