20.6.06

"Le juvenes de hodie..."

Io ha visitate un curso del lingua german (de facto ancora visita lo, pois que le mercuridi es le ultime occasion del curso). Nostre inseniante es un professora in un schola medie e illa ha narrate alicun cosas super le "juvenes de hodie".

P. ex. recentemente illa faceva les scriber un test e justo a fin que le alumnos non debe reguardar lor telephonos mobile pro saper, que hora il es (quante tempore il es retro pro le test), illa apportava in le classe un horlogio con tabella (schermo, etc.) traditional o analogic (? - vide le pictura) e poneva lo sur le pariete. Totevia un puera comenciava reguardar su telephono. Il se verificava, que illa non pote comprender le digitos del horlogio. In su casa il ha tal horlogio de pariete, ma illo es pro le parentes - illa diceva. Iste juvenes non plus besonia un tal horlogio, proque le "teletext" (?) in le TV monstra le tempore, le telephono mobile monstra le tempore, le computator monstra le tempore, etc. Tote istos lo monstra digitalmente, per numeros... Ma non solmente le plus juvenes jecta le tradition via; ma anque mi collegas musicante non plus porta horologio-bracialetto (solmente io es tal conservative) desde quando illes ha telephonos mobile. (Ma al minus illes sape identificar le digitos del horlogios traditional...)

Io demanda, forsan iste juvenes non mesmo comprende e produce tal phrases, como "il es duo horas e medie in le postmeridie", "il es un quarte hora post cinque", etc....?!

Io es anque ancora juvene (30-31 annos), ma io admira anque le "juvenes de hodie" (plus juvene, que io). Io admira, si non le schola, alora al minus lor parentes non les inseniava le signification del digitos in le horlogio...?!

Nostre inseniante, essente anque le chef del classe narrava etiam altere cosas.

Illa offereva pro su alumnos, si illes vole demandar ulle cosa, que les interessa o occupa, illa va responder le questiones (ponite in scripto) con gaudio. De facto ultra le sex(o?) nulle cosa les interessa - illa dice. Solmente partys post partys les interessa. Illas deveni ebrie, e lassa tirar se per differente pueros le un post le altere, non cognoscite per illas - illa assere.

Illa ha mesmo audite in le autobus de un puera circa 16, narrante a su amica, que in le ultime party in le discotheca illa habeva un contacto sexual con un puero - ma illa non mesmo cognosce su nomine, e illa non mesmo poterea identificar le persona secundo le vista "de avante"... (Io me demanda: forsan le action occurreva "de detra"...? :-) Forsan in le tumulto dansante del discotheca o ha le discothecas special cameras pro iste scopo...?)

Al mesme tempore nostre inseniante del germano audiva in le WC scholar (o in su vicinitate) de un alumna del mesme etate (16), que "mi vita sexual es equilibrate"...

Illa (le inseniante del germano) un vice visitava le discotheca, pro que illa anque es juvene (circa 30) e naturalmente un juvene vole amusar se. Ma illa discoperiva, que le medie de su classe (in etate de circa 16) es anque presente, assi illa debeva "fugir" del discotheca...

Del resto mi examine lingual in germano succedeva (in scripto: 201/225; in voce: 74/75 punctos, dunque 91 %), dunque io recipera non solmente un diploma lingual international (Österreichisches Sprachdiplom, ÖSD) con le classification "Zertifikat Deutsch" (grado medie), ma anque un papiro hungare official attestante le grado medie de mi cognoscentias lingual in germano. Io totevia visitava le curso de plus (le mercuridi occurrera le ultime occasion), proque io ha pagate pro le curso.

6 comments:

N said...

Sera sperantia pro le humanitate usque al momento quando le juventute cessa interessar se del sexo ... :-)

P.S. Io sempre porta un horologio-bracialetto, que monstra le tempore digitalmente. Sin illo, io me sentirea nude ...

Congratulationes con tu resultatos del examine del lingua german!

Petro Ferrero de Hungaria said...

Si, anque io admirava, proque nostre inseniante (feminin) del germano critica iste attitude del juventute. Ma forsan illa admirava lo e informava nos de lo que le questiones ponite a illa in scripto tractava solmente e exclusivemente le thema del sex(o?). Illa ha ponite le question, esque ultra iste thema nulle altere cosa interessa le juvenes? (Dunque nulle altere cosa in cohesion con le cognition, pensamento e non con le instinctos? Ma il es ver, illa aspecta e se vesti multo bellettemente; forsan isto inspirava le juvenes de su classe a demandar tal cosas... :-) ) E lo que io concludeva de su admiration es, que illa critica forsan le sempre plus basse etate de tal "interessatos" in sexo...

Mostra tu horologio-bracialetto le tempore per numeros digital, o per sagittas (digitos) de horlogios traditional?

Gratias pro le congratulation.

Ancora un breve annuncio super le situation actual de hic: Il es 28,3 °C INTRA MI CAMERA, e 29,6 °C in le aere libere. Isto era pro me a pena tolerabile in le recente dies (il es le plus calide in mi camera in le appartamento, ma admirabilemente io me senti hodie multo ben; melio, que in le precedente dies del toto, e in le camera. Forsan isto es pro que io faceva currente de aere aperiente le fenestra e le porta de mi camera...?).

N said...

Mi horologio "quotidian" monstra le tempore per numeros digital. Io pensa que iste systema es le plus practic, ma io anque ha un horologio con sagittas, que io usa de tempore in tempore.

N said...

29,6 grados - un die pro le plagia?

In Bergen - 15 grados.

PS. Esque le professora respondeva a tote le questiones?

Petro Ferrero de Hungaria said...

Io voleva demandar de illa, qual concrete questiones illa ha recipite, ma io non osava facer isto. Io anque non sape, esque illa ha respondite tote le questiones. Illa non ha parlate super isto.

Petro Ferrero de Hungaria said...

Ben que forsan le monstrar del tempore per numeros digital es plus practic, totevia il es triste, que le "juvenes de hodie" oblida tal systemas traditional, ma belle, como le monstrar del tempore analogicamente. E como scribite, io time un poco, que isto pote reducer etiam lor cognoscentias e usamento linguistic e al mesme tempore: lor pensamento mathematic! (Non plus es necessari a dicer: "il es un quarte hora ante le septe", etc.).