28.3.07

Effectos diverse de dormir insimul

Io ha audite hodie in le radio (quando io entrava le taverna proxime al loco ubi io visita le curso anglese), que on faceva un experimento, un mesuramento.

Esque le subjectos del test se cognosceva antea, io non sape, ma on ha demandate (probabilemente juvene) viros e feminas, que illes dormi insimul durante un nocte. (On non les ha effortiate a haber contactos sexual le unes con le alteres, solmente a dormir insimul - in un lecto, le un presso le altere, etc.)

Le sequente die on ha mesurate le complimentos mental del subjectos, con testos logic sur papiro.

Il se verificava, que le viros habeva pejor complimentos, proque illes dormiva mal; a pena durante le nocte e illes non poteva concentrar tanto mentalmente le die sequente. Le feminas ha complite ben, proque illas dormiva profundemente antea...

5 comments:

Martein Sveinsson said...

Interessante experimento, con un resultato surprendente.

(In parentheses: in multe paises un tal experimento naturalmente non serea possibile. P.ex. in Iran. Io ha justo vidite le film iranian, Offside (IMDb). In Iran, feminas non pote visitar un match de football, pro le presentia de viros que illos non cognosce. - Del resto, un film recomendabile!)

Lars said...

Ma esque le feminas dormiva tanto ben como normalmente, o mesmo plus ben?

Del resto, on deberea creder que le feminas dormirea pejo que normalmente, proque le homines roncava. ;)

Martein said...

Generalmente on non ronca, quando on non dormi ... dunque, le feminas certo dormiva multo ben. Isto naturalmente es multo injuste. Forsan nos deberea cambiar le mundo ...

Petro Ferrero de Hungaria said...

>>Ma esque le feminas dormiva tanto ben como normalmente, o mesmo plus ben?<<

Isto non era mentionate in le reporto, o io non lo audiva (non poteva audir lo).

>>Generalmente on non ronca, quando on non dormi ...<<

Ma si on dormi non tanto "profundemente", dunque solmente "superficialmente", alora on ronca. Si on dormi "profundemente" , on non ronca.

Mi conclusion es, que le viros non dormiva (adequatemente) presso un femina (probabilemente) incognoscite pro illes, proque illes era sexualmente tanto excitate (lo que es totalmente natural e biologicamente necessari pro le reproduction de specie). E le feminas dormiva multo melio, proque un femina es create assi, que illa besonia le proximitate, le adjuta del viro in su vita, solmente assi illa pote esser felice in su vita. Pro un femina un viro significa le confidibiletate, le certitude, le fortia, le protection, le base pro un familia.

Dunque le proximitate de un homine del sexo opposite excita le un e calma le altere representante del sexo e tote isto es determinate biologicamente e tote isto es natural e bon assi.

Anonymous said...

Perche non:)