27.11.06

Ragtime e csárdás

Lunedi io ha vidite un programma televisive, le prime parte de un serie presentante le historia del ragtime. Iste programma de lunedi presentava le antecedentes de iste branca musical e illo mesmo explicava le origine del parola: In le 1880s-90s in le bordellos de negros in New Orleans le prostitutas, qui habeva menstruation, non poteva "exercer lor profession", ma era presente in le etage basse pro amusar le hospites. Assi illas bibeva, parlava, dansava, cantava, etc. con illes e postea le musica special de negros, que se disvelloppava in iste circumstantia durante iste amusamentos le negros mesme appellava ragtime, como un referentia al periodo mensual de prostituas non laborante alora. A saper: in ille tempore le feminas usava retalios (pannos, panellos; peciettas de vetule vestimentos) pro tener se munde del sanguine de menstruation. E le nomine anglese de isto es "rag"...

In America del 1880s-90s on nominava un branca de musica secundo un periodo de tempore (rag-time). In Hungaria quasi al mesme tempore (alicun decennios de plus bon hora, quanto io sape) on comenciava nominar un specie de dansa secundo le loco, ubi illo era dansate. Le mundialmente famose e le plus cognoscite dansa hungare, le csárdás (pron. tchaardaash) es nominate assi, proque on lo dansava in csárdák (pl.; sing.: csárda) que es albergos, restaurantes ubi on poteva anque dormir. Esque in iste csárdák = albergos on exerceva prostitution, como in le bordellos de New Orleans, ubi le musica ragtime se creava...? Vos non me demanda re isto, io non sape...

2 comments:

Lars said...

>Esque illo es un porta(l? O si il es plus de tales, esque le plus grande) que contine curte (pecies de) filmes discargabile?<

Si, justo. Un tertie sito ubi on pote trovar tal videos es le sito blogging Myspace, e il ha certo multe alteres.

>Isto programma de lunedi presentava le antecedentes de iste branca musical e illo mesmo explicava le origine del parola<

Un theoria exotic, ma secundo Wikip. in anglese (qui cita le "New Grove Dictionary of Jazz"), le etymologia del parola es que illo esseva originalmente appelate "ragged time" (tempore *) inequal), a causa del characteristic stilo syncopate.

*) "mesura"?

Petro Ferrero de Hungaria said...

"Ragged time" pro le rhythmo inequal? Un multo exaggerate idea pro explicar le origine del parola ragtime. Illo es multo scientific (de musikologia), que non es characteristic justo pro iste branca musical. On sole nominar nove brancas musical plus spontaneemente. Ma le explication con le periodo mensual de prostitutas es humoristic e multo plus probabile pro isto, pois que mesmo le musica ragtime es de facto plen de humor.