31.7.06

Un entrata classic de blogs: mi tour presso München le sabbato

Un blog pote ser usate a differente scopos e in differente manieras. Ma in le senso classic un blog es un "diario electronic". Io mesme non usa mi duo blogs in iste maniera, pro iste scopo (o rarmente), ma ora io face un exception.

Simile entratas del typo classic de blogs (como paginas de un diario) io ja ha scribite solmente pauc vices; p. ex. un in hungaro, ma un altere in germano; ambes super mi experientias in facer musica. A iste ultime io ha addite mesmo un photo, que faceva un homine local durante ille occasion in Austria. Anque a iste mi reporto actual va ser addite photos, si illos arriva in mi cassa e-postal.

Dunque: que seque un entrata classic de blogs...! :-)

Sabbato mi horologio me eveliava circa 2:30 - 2:40 in le nocte, proque io debeva ser a un station de gasolina in mi urbe a 3:00, a fin que un minibus me apporta in Bavaria pro facer un spectaculo ibi insimul con le dansatores folkloristic e le altere musicos. Ma circa 2:50 arrivava un SMS (message textual per telephono mobile), que le minibus es in retardo e que io veni ibi a un tempore plus tarde. Postea io recipeva mesmo un altere SMS, que me informava, que le minibus es in un tal retardo, que io debe ser al station solmente a 4:30 ... Isto era jam disagradabile, proque io era ja preste pro le viage, pro partir al station de gasolina, ma vader retro in le lecto pro dormir haberea essite ja riscante (eventualmente io haberea potite addormir me tanto que io haberea retardate mesmo iste puncto de tempore procrastinate...) Dunque io partiva in Bavaria assatis fatigatemente, somnolentemente. Naturalmente anque in un minibus on non pote dormir tanto satisfactorimente, como in un lecto...

Un sonator de violino, co-musicante mie me demandava participar iste tour, intra le septimana ante sabbato, habente cercante musicos que ha tempore libere in iste weekend pro participar iste tour. Le contrabassista era mi altere co-musico de mi urbe. Le dansatores in le majoritate consisteva del membros del Állami Népi Együttes (Ensemble Popular del Stato), illes ha vacantia in iste periodo e assi illes pote facer tours, spectaculos individual. Io non les cognosceva de antea.

Le loco, ubi nos vadeva es de facto un club de golf a un village presso München. Nos non dirigeva nos al juste direction immediatemente ante le fin in le autostrata, pro isto nos iva intra München, in le centro del citate (al minus nos videva anque München como a un tour de citate... :-), ma finalmente nos ha arrivate in le club de golf, multe post 11:00 al quando nos ha essite expectate.

Nostre carga era sonar musica folkloristic hungare a un parve casa de buffet sub aere libere inter le campos de golf, al caso si le jocatores de golf reposa un poco vadente de un campo a un altere, etc. Le jocatores poteva biber un poco e mangiar fructos e sandwiches. Quando illes non arrivava, nos poteva fixar e probar con le dansatores le pecias del spectaculo in le vespere, proque nos non jammais ha accompaniate musicalmente iste dansatores anteriormente (dunque illes non debeva dansar durante iste periodo del postmeridie, solmente in le vespere). Nos habeva fame, proque nos non mangiava lunch in le minibus, proque nos ha calculate assi, que nos arriva justo al tempore de lunch ibi in le club. Ma pois que nos ha arrivate plus tarde, post le arrivata nos debeva immediatemente cambiar de vestes e comenciar musicar. E nos habeva tanto fame, que al buffet sub aere libere ubi nos sonava, quando le attractive parve puera, le servitrice partiva pro apportar nove sandwiches, etc. nos ha mangiate parve repastos, malgrado que illa non nos offereva istos... Ma illa arrivava justo quando nostre buccas era ancora plen con le repasto; e isto poteva ser disagradabile; io non poteva como a celar me proque illa non lo remarca. Illa justo ha dicite, que Attila (le servitor hungare in le club, qui organisava tote isto) ha le message pro nos, que nos debe ir retro in le casa pro mangiar, proque a illo nos non habera le possibilitate plus tarde e in un hora nos ja debe facer le prime bloco de nostre presentation insimul con le dansatores. Assi nos mangiava suppa de gulash. Postea nos faceva nostre prime programma durante quando le hospites anque mangiava suppa de gulash, e post isto nos musicos poteva jacer in lectos ("dormir"...? Isto es un exaggeration) durante un hora. (Le dansatores habeva recipite cameras, que non habeva lectos; respectivemente lectos de gumma, que debeva ser plenite con aere antea.) Postea nos ha facite nostre secunde spectaculo circa le 7me hora, quando le jocantes de golf ha retornate del reposar e duchar. Alora illes habeva ja le "cena official" (rostite porchettos, etc.), con "oration festive". Post isto nos habeva pausa, durante que nos ha sedite ante le pulpito de bar e ha mandate bibitas. Ante nostre 3tie spectaculo (totos era de circa 15 minutas) ja in le casa (non sub aere libere, que antea) occurreva le annuncio del resultatos del concurso de golf. E sequeva le tercie parte de nostre spectaculo, al cuje fin etiam le hospites debeva dansar.

Le hospites del club era un compania del elite; con homines importante e ric (p. ex. le director general del fabrica de autos Audi era presente; io mesmo ha dicite a mi co-musicantes, il serea bon saper, qui es ille a fin que io face amicitate con ille, dicente "per hasardo", que le Audi es mi marca favorite; forsan ille me dona un auto Audi sin pagar...? :-)

Ben que nos haberea potite dormir ibi, ma le organisatrice de nostre latere (un dansatrice, qui ha recipite le minibus e qui ha organisate nostre compania ad hoc) debeva ancora livrar nos a casa (a Zalaegerszeg, circa 500 km de München) postea le dansatores a Budapest (plus que 200 km de Zalaegerszeg), postea redar le minibus prestate e retornar al casa de illa (presso le Balaton, que es anque distante de Budapest) nos ha decidite assi, que nos parti circa le medienocte a casa. Isto se realisava a circa 1 hora in le nocte, post le fin del programma e post duchar. Assi nos poteva arrivar a casa circa le 9ne hora in le matino de dominica, non in le vespere. Pro non fatigar la, non illa conduceva de Germania a nostre urbe, ma mi duo co-musicos. (Illa debeva conducer solmente post quando nos musicos ja ha arrivate a casa.)

Assi occurreva mi tour recente de plus que 24 horas sin dormir adequatemente. :-) E isto es le causa, que io non participava le chat de interlingua le sabbato... :-)

Io non multe debeva parlar in germano durante iste curte tour. De facto totos circum (e con) nos ha parlate le germano official, dunque io anque non experientiava le dialecto bavare; solmente al annuncio del resultatos un orator ha parlate con un pronunciation e accento del typo austriac (german del sud), ma le parolas ille diceva in lor formas in le germano standarde.

Del resto le gente bavare es enigmatic; alicunos assere, que illos non mesmo son german(ic)os (como anque le prussos non los era), ma le german(ic)os conquireva le tribos bavare, assi illes ha le lingua german(ic) hodie. Le origine del bavaros non es clar; alicunos pensa, que illes de facto es / era avaros (le population habitante principalmente in le Bassino Carpatian chronologicamente post le hunnos e ante le hungaros), dunque parentes con le hungaros (skythos e hunnos). E vermente, nulle altere nation in Germania ha un tal cultura de biber bira, como le bavaros; generalmente le altere germanos non bibe tanto bira, illes non lo ama tanto, como le bavaros. Isto non es characteristic pro le majoritate del germanos, ma illo es pro le bashkiros, que vive inter le fluvios Volga e Kama, unde le ancian hungaros veniva. E le bavaros es affabile, aperite, amical, dunque totalmente alteres, como le altere germanos. P. ex. ibi in le casa del club golf cata un me salutava, sin cognoscer me. E io ha vidite ibi alicun homines (e feminas... :-) ) con un non typic characteristica ratial pro le germanos, ma simile al hungaros. Assi io ha vidite mesmo belle pueras, que son rar inter le germanas; ma ecce le explication proque se trova plus belle pueras inter le bavaras: proque illas non es de origine typic german(ic).

9 comments:

Lars said...

Car Péter

Un interessante entrata. Il debe haber essite (??) multo dur (mente?) remaner vigile durante un tal longe periodo, e mesmo deber musicar in plus.

Esque vos esseva ben pagate pro vostre effortios?

Es coragose de te, scriber le ultime lineas con comtemplationes del characteristicas german, viste que il ha bastante interlinguanos german - qui forsan lege tu blog. ;)

Ma io crede, que tu ha in omne caso ration quanto al predilection bavarian pro biras. In effecto, in danese, 'bajer' ('danification' de 'Bayer' - 'bavarian') es jargon pro bira.

E illes ha ya anque lor famose 'festa de octobre'. (Il serea amusante participar a illo olim.)

Amicalmente
Lars

PS. Esque le servitor hungare vermente se appelava 'Atilla'? :)

Petro Ferrero de Hungaria said...

Car Lars!

Si, nos era ben pagate. Mesmo io era surprendite in comparation con le precios in nostre pais, le quales nos sole reciper pro musicamento hic...

De facto io non ha scribite super tote le ratia(s), gente german, ma specialmente super le bavarianos lo que es (un poco...?) differente.

Si, anque io participarea ille festa de octobre con gaudio. Non necessarimente como musico, ma sufficientemente anque como participante (=bibente) ... :-)

Si, le nomine Attila es assatis popular inter le hungaros; anque le violinista in le tour con le qual io musicava es appellate Attila. (Estraniemente forsan illo es le sol nomine de baptismo in le hungaro, que se scribe alteremente como illo es pronunciate. Illo se pronuncia Atilla, ma se scribe: Attila. Alicunos mesmo distingue assi inter le grande duce hunnic e altere Attilas, que illes scribe le nomine Atilla pro describer le duce del hunnos e scribe Attila pro describer altere Attilas posterior e actual... :-) )

Morten Svendsen said...

In le vetule epos nordic, le Edda Poetic, Attila, le rege del hunnos, appare como Atle og Atli. Ancora hodie Atle o Asle (altere forma) es un nomine usate in Norvegia.

Petro Ferrero de Hungaria said...

Car Morten!

Io ha experientiate, que tu ha facite plure nove commentarios mesmo a mi nove commentarios a mi entratas plus vetule. Esque Bloglines monstra anque istos, como nove cosas o tu simplemente observava mi blog e assi tu ha discoperite mi nove commentarios?

Petro Ferrero de Hungaria said...

Lars scribe:

>>Il debe haber essite (??) multo dur (mente?) remaner vigile durante un tal longe periodo, e mesmo deber musicar in plus.<<

Secundo me "Il debe haber essite multo dur..." es correcte.

Del resto il era equal, que nos non dormiva POST le musicamentos, proque isto ja non influentiava le effecto de nostre musicamento anterior. :-) (E viagiar 6-8 horas durante un jorno, como nos lo faceva ante le musicamento es totalmente usual a certe homines.)

(*coragiose, *contemplationes :-) )

>>...il ha bastante interlinguanos german...<<

De facto le numero de interessatos o adherentes germanophone de interlingua es pauc e le lista interlinguagermano technicamente functiona, ma es de facto morite. Ma il es interessante, que le germanos que ha participate le conferentia non es idente con tales que ha participate le incontro nordic... Ma io poterea sponder, que iste duo "gruppos" de germanos non mesmo cognosce le un le altere... Io serea curiose super tu impressiones re los que ha participate le incontro nordic. Forsan tu va narrar lo a me in le chat de interlingua o in email private...?

Morten Svendsen said...

Non, Bloglines non ha indicate le nove commentarios al vetule entratas. Io los trovava quando io relegeva alicun commentarios (sapiente que on de tempore in tempore trova nove commentarios anque a vetule datos).

Io vide que tu ha cercate mi adresse de posta electronic. Tu pote contactar me a mi adresse de gmail. Con mosvends ante le "a con cauda". (Regrettabilemente, in nostre dies, on debe scriber in iste maniera absurde, proque le spammers non trovara le adresse. - Le adresse indicate in le columna dextere de mi blog es plen de spam, e io non plus desidera usar lo.)

Petro Ferrero de Hungaria said...

Tu scribe, que tu face apparer un tu altere email in tu profilo a Blogspot. Io cercava tu adresse antea in tu blog in van, ma io non lo trovava; pro isto io ha scribite, que io non sape tu adresse e-postal... E anque ora io non lo vide. http://www.blogger.com/profile/16138847 .

Petro Ferrero de Hungaria said...

Ah, in le columna dextere de tu _blog_?

Pardona.

Io lo cercava in tu profilo, como illo es usual a alteres.

Io non lo cercava in un loco (le blog mesme), ubi il non es usual a publicar lo.

Lars said...

Petro: >>Si, anque io participarea ille festa de octobre con gaudio. Non necessarimente como musico, ma sufficientemente anque como participante (=bibente) ... :-)<<

Forsan nos debe proponer que on face le proxime conferentia de interlingua in München in octobre. :)