13.6.08

Sonio, illusion o hallucination?


In alicun die del septimana me occurreva un cosa estranie e inexplicabile (que era mesmo formidabile in ille tempore pro me...).

Como usualmente, io disconnecteva mi telephono mobile le vespere previe a 22 horas. Io memora, tote le characteres digital dispareva alora del schermetto del telephono. Post alicun tempore de isto io iva a in le lecto, ma io dormiva intranquillemente, forsan proque io ha mangiate troppo al vespere... E ante alicun minutas al medienocte io me eveliava al sono del telephono que es assatis forte. Se eveliante del lecto io era surprendite: “Qui pote cercar me in iste hora tarde...?” - io non poteva imaginar isto. Totevia automaticamente io me urgeva rapidemente al telephono, partialmente a fin que mi parentes in le camera vicin non se evelia (illes sole ir a in le lecto in le majoritate del casos ja ante le medienocte) e a fin que le appellante non disconnecte le appellata, que io pote acceptar le appellata. Ma post habente imprimer le button de acceptar le appellatas mi telephono pareva fatigar se (non plus haber currente), proque immediatemente quando io diceva “hallo” in le telephono nemo me respondeva e reguardante al schermo del telephono tote le signos digital que io justo anteriormente memorava vider sur le schermo dispareva. (Attention! Previemente io ha scribite, que io disconnecteva le telephono circa le 22 horas, assi que tote le characteres digital dispareva; totevia a iste occasion immediatemente ante imprimer le button de acceptar le appellata io videva signos digital sur le schermo quasi si illo esserea connectite....) Ma post habente acceptate le appellata per le button nulle signos io videva sur le schermo. Io controlava mi parentes in le camera vicin: illes non se eveliava, assi io non poteva saper, esque illes audiva mi telephono e non poteva demandar un explication de illes a iste phenomeno estranie.

Alora io lo ha connectite al accumulator a fin que illo sia cargate per currente. Illo vermente non plus habeva currente in se pro poter esser facite functionar. Alora, functionante le telephono del accumulator io controlava in le menu, esque io habeva ulle appellata non acceptate o acceptate. Nulle nove io habeva...! Ma alora io ancora era forsan convincite, que alicuno me vermente appellava e subito io deveniva espaventate, io comenciava quasi timer, que on pote per le mesme effortio mesmo entrar in le appartamento e mi camera, si on me appella per telephono in iste hora tarde – e io poteva comenciar dormir de novo difficilemente, a causa de lo que le evento era inexplicabile pro me....

Le matino sequente io narrava iste historia a mi parentes, les demandante, esque illes audiva le sono de mi telephono – ma illes non lo audiva.

Como a categorisar iste phenomeno? Illo non poteva esser un sonio, proque io ageva durante le phenomeno in le vita real – io me eveliava del lecto, iva al telephono, imprimeva su button, diceva “hallo” in effecto, controlava mi parentes, connecteva le telephono con le accumulator, etc.

Era isto un illusion o un hallucination? Io videva effectivemente (io habeva le illusion...?) que mi telephono era connectite malgrado que io lo habeva disconnectite circa 22 horas. Dunque theoreticamente io non haberea potite vider lo connectite, totevia io lo videva assi physicamente, durante que io stava. Esque io soniava durante star...? Pro isto illo non poteva esser un sonio, ma un illusion? O un hallucination...?

4 comments:

Laurentio said...

Es tu certe que il era un appello e non plus tosto un sono de alarma? Tales pote ya in multe telephonos sonar, ben que le telephonos es disconnectite.

O mesmo forsan un sono pro indicar que il habeva poc currente? (Pare improbabile, nam tales a pena sona quando illo es disconnectite.)

Quando tu te evelieva, esque le telephono esseva connectite con le adaptator/accumulator?

Petro Ferrero de Hungaria said...

No, io memora clarmente le melodia que es adjungite in mi telephono pro signar appellatas.

No, io lo connecteva post quando io habeva essite ja (totalmente...?) eveliate.

Laurentio said...

"No, io memora clarmente le melodia que es adjungite in mi telephono pro signar appellatas."

E tu es certe que tu non usa le mesme melodia pro alarmas?

"No, io lo connecteva post quando io habeva essite ja (totalmente...?) eveliate."

Si, durante le nocte, nonne? Ma al matino sequente, esque illo esseva ancora connectite?

Petro Ferrero de Hungaria said...

Io non crede, que illo esserea le mesme melodia pro alarmas. Del resto io ha un Nokia 3410. Naturalmente in le matino sequente le apparato era connectite al accumulator, proque io lo ha connectite a illo conscientemente in le nocte, post haber me eveliate alora.