Szaloncukor: un bonbon pendite sur le abiete de Natal per le hungaros

 

Como ornamenta le hungaros le arbore de Natal? Como le altere populos, con un exception: illes pende al mesme tempore micre bonbones coperite per chocolate, inveloppate singularmente in brillante papiro de seta, respectivemente folio de stanno. Illo es le szaloncukor (pronuncia secundo le IPA como 'sɒlonʦukoɾ), que veni del parola german Salonzuckerl e significa litteralmente "sucro de salon(es)". "Bonbones de salon" son intendite ci, pois que ab le XIXne seculo ric hungaros comenciava ornamentar lor abietes de Natal per illos in le salones de lor domos.

 

 

 

 

 

 

 

Le ancestre del szaloncukor es le bonbones fondant del franceses, le quales illes comenciava producer in le XIVte seculo. De illac immigrante pastisseros german los portava a in Hungaria in le prime tertio del XIXne seculo. Malgrado le origine francese (un simile cosa hodie es le papillote) e le mediation german solmente hungaros los usava e usa como ornamentos al arbore del Natal.

Illos esseva initialmente facite de sucro e sec fructos, ma le receptas ha evolvite durante le annos. Hodie le szaloncukor es typicamente facite de sucro, cacao e un varietate de plenationes, includente marzapane, pralina, e gelea de fructos. In Hungaria illos pote esser comprate in le botecas e magazines in le periodo ante le Natal, ma on pote producer iste confectos tamben domesticamente, como hungaros al estraniero sole facer, pois que necubi in le mundo pote esser comprate iste bonbones.

 

 

 

 

 

 

 

Le szaloncukor es a causa de su sapor dulce e su brillante inveloppamento un parte integral del traditiones de Natal in Hungaria e "Hungarophonia", i. e. territorios circa Hungaria, ubi on parla le hungaro como lingua minoritari, i.e. le plus in territorios de Slovachia e Romania. Le szaloncukor es un hungarico (hungaricum, hungarikum) in le senso que representantes de nulle altere nationes lo usa in iste forma del papiros coperiente que servi pro poter pender lo sur le abiete del Natal como ornamento.

Duo hungare premiatos de Nobel annunciate intra duo dies!

 

Le lunedi, 2.10.2023 ha essite annunciate que le recercatrice de origine hungare Katalin Karikó e Drew Weissman ha recipite le premio Nobel de 2023 in physiologia o medicina. Illes ha recipite iste recognition prestigiose pro lor disveloppamento del technologia de vaccino basate sur mRNA, que ha essite instrumental in le lucta contra le pandemia de COVID-19.

Lor labor pioneristic ha cambiate fundamentalmente nostre comprehension de como le mRNA interage con nostre systema immun. Isto ha contribuite al taxa sin precedentes de disveloppamento de vaccinos durante un del plus grande menacias al sanitate human in tempores moderne. Lor technologia era utilisate per Pfizer/BioNTech e Moderna pro construer lor vaccinos altemente efficace.

Le novas veniva le martedi 3.10.2023., que le recercator de origine hungare Ferenc Krausz, insimul con Pierre Agostini e Anne L'Huillier, ha recipite le premio Nobel de 2023 in physica. Illes era recognoscite pro lor methodos experimental que genera pulsos attosecunde de luce pro le studio de dynamicas electronic in materia.

Krausz era le prime a conducer observationes in tempore real del motion electronic a scala atomic. Le technica que ille disveloppava ha essite utilisate in varie processos del physica atomic e molecular, includente le studio de photoionisation dependente del tempore. Isto ha aperite le porta al mundo del electrones, dante a uno le opportunitate de comprender mechanismos que es governate per electrones.

Actualmente Krausz e su gruppo investiga si iste cambios observate es specific bastante pro facer un diagnose conclusive de cancere possibile in le stadios precoce del maladia, usante technologia femtosecunde e attosecunde pro analysar probas de sanguine e deteger cambios subtil in lor composition.

 

 

Ancora super le lingua hungare - amusante

Il ha amusante factos concernente le lingua hungare, un es p. ex. que il ha alicun sequentia de elementos linguistic - syllabas - le quales pote haber totalmente differente significatos si on los divide differentemente - in scripto: per spatios, in parlar: per le accento - proque alora diffente parolas con differente frontieras linguistic resulta totalmente differente constructiones intraphrasal. Un es pro exemplo isto:

Explication:

társadalomban = 

in le societate

társad alomban = 

tu companion (socio) in jecto (lectiera, etc.)

társad a lomban = 

tu socio (companion, partenario) in le antiqualia

társ a dalomban =

(un) socio (companion) in mi canto... 😃

Il ha ancora duo dissectiones possibile, que io trovava in Facebook, ma non appare sur le imagine supra:

társ ad alomban =

(un) socio (companion) da in jecto (lectiera, etc.) e

társ ad a lomban =

(un) socio da in le antiqualia. 😃

Un altere exemplo:

hatalmasok

hatalma sok

hat alma sok

Anque in iste constellation de syllabas (vocales e consonantes) le differente division de illos resulta elementos grammatic, linguistic in differente rolos grammatic. Le prime

hatalmasok

es un substantivo significante potentes (homines potente)

Le secunde

hatalma sok

describe un persona, cuje potentia es multo (grande): 'su potentia es multo', ecce isto traducite.

Le tertie

hat alma sok

de facto pote esser un grammaticamente correcte integre phrase:

'Sex pomos es multo (troppo multe)'.

De iste tres variantes on pote consctruer un phrase amusante:

Azt mondják a hatalmasok, hogy akinek hat alma sok, annak a hatalma sok.

I. e.: Le potentes dice: le qui ha sex pomos, su potentia es multo ( = troppo multe, grande).

Le influencer vegan (39) qui habeva mangiate solo fructos crude moriva in fame e inanition

 

Janna Samsonova, russe habeva vivite in Asia Sudoriental e durante le ultime 5 (cinque) annos illa sequeva exclusivemente un vegan dieta crude, que consisteva de “fructos, germines de grano de heliantho, smoothies de fructos e succos de fructos”.

Un famose influencer vegan moriva in le etate de 39 (trenta-novem) annos, post que illa mangiava solo exclusivemente fructos. Le femina famose moriva “in fame e inanition”.

 

Janna Samsonova era satis cognoscite in le communitate vegan, illa faceva posts in le media social sub le nomine Zhanna D’Art, ubi illa popularisava le consumption crude a su plure milliones sequitores.

Secundo su amicos su costumes de consumption habeva devenite inquietantemente restrictive in le ultime menses de su vita. Illa moriva le 21 (vinti-prime) de julio “in un infection simile al cholera”, que faceva “le affliction del organismo a causa del dieta vegan” plus aggravate – diceva su matre Vera Samsonova al jornal russe Vetchernyaya Kazan.

Un amico anonyme de Janna diceva a Newsflash, que alicun menses retro illa habeva essite vidite in Sri Lanka essente in un stato “parente exhauste”.

“Illa ha essite inviate a casa a fin que illa se face tractar, ma illa fugiva de novo. Quando io la habeva vidite in Phuket, io deveniva horrificate. Io habeva habitate sur le etage sequente super illa e io timeva cata die de trovar su corpore sin vita in le matino. Io la habeva convincite de ir al tractamento, ma illo non succedeva a illa” - diceva le amico del femina.

Un altere amico sue assereva, que su nutrimento favorite habeva essite in le ultime 7 (septe) annos le durio (zibethinus), que es un fructo pungente, cognoscite de su odor acre - reportava le Time News.

“Io vide cata die, como mi corpore e mente se transforma” - diceva Janna, quando illa describeva su dieta restringente e addeva: “Io ama mi nove ego e io non va retornar jammais a mi previe costumes.”

“Io mangia repastos simple, ma io ha multe experientias como cocinera de repastos crude. Io ama facer proprie receptas e inspirar le gente de nutrir se plus sanmente” - illa scribeva plus anteriormente.

Le dieta de repastos crude pote haber plure avantages sanitari, includente perder peso, le amelioration del sanitate del corde e le minor risco del diabete, si on lo applica a un maniera balanciate, ma secundo le Healthline le dieta exclusivemente crude ha anque effectos negative, como le manco del calcium e del vitamina D, necessari pro le ossos forte. Isto pote causar le cadita del nivello B12 (be dece-duo), que pote resultar anemia, deterioration del systema nervose, infertilitate e – a un maniera un poco paradoxe – maladia cordial.

Secundo le studio publicate in le revista professional Journal of Nutrition al initio del mense les qui se nutriva secundo le vegan dieta crude consumeva 100 % (pro cento) minus que 2,4 mcg, recommendate per die del vitamina B12.

Malgrado le possibile disavantages del dieta de Janna Samsonova multe su adherentes ingagiate non se inclinava creder, que su decisiones in le repastos resultava su morte, in vice de isto illes assereva, que le substantias chimic trovabile in le fructos consumpte per illa la occideva.

Le causa official del morte de Janna ancora non ha essite constatate, pois que su familia essaya livrar su corpore a in Russia.

 

Fonte: Twice.hu, traducite per Péter Kovács

 

Un transgenere american ha devenite un del portavoces del defensa ukrainian

 

Le transgenere american Sarah Ashton-Cirillo ha devenite un del porta-parolas del fortias del defensa ukrainian, reporta le jornal ukrainian Strana.ua. “Un del porta-parolas del fortias del defensa ukrainian ha devenite un transgenere american,” reporta Strana. Secundo le publication Ashton-Cirillo era un jornalista, se jungeva al fortias ukrainian le anno passate, era un infirmera in le defensa territorial, e postea era ferite.

 

Ille/illa es le capite del nove projecto in lingua anglese del fortia de defensa territorial “Russia Odia le Veritate”, dirigite al audientias del Statos Unite e de Europa. Su scopo es marcate como ‘contrariante propaganda russe,’" scribe Strana.

Nova del 2 de augusto 2023, traducite per le I. A. e per Péter Kovács, prendite de oroszhirek.hu.

Actualisation: le continuation - e le fin - de iste thema es, que ille/illa ha essite totevia dimittite de iste su labor e ponite sub investigation de alicun causa, que on non cognosce. Nonobstante su ultime declaration era le sequente - forsan isto era ja troppo pro le commando del Fortias de Defensa Territorial de Ukraina, secundo le qual ille/illa ha facite "declaration unautorisate", per le qual ille/illa ha "violate conventiones de derectos human":

"Le dentes del diablos russe molera, lor boccas rabiose spumara in ira”, e que tote le propagandistas russe essera persequite e le justitia essera servite, tote isto per le fide in “Deo, libertate e le sperantia del liberation”. 

Fonte: Mandiner. Actualisate le 24 de septembre 2023.

Forsan referer a Deo era ja troppo pro le commando..? Verisimilemente non le dur parolas e expressiones, le quales es sovente usate per le ukrainianos contra le russos.