Comprender e voler comprender

Io videva iste nova in un programma televisive. Io essayava trovar le fonte del information in internet, ma in van. Pro isto io mesme summarisa ora lo que le moderatrice diceva.

🇷🇺 🇹🇷 🇺🇦 Le 16 de maio, venerdi tote le mundo prestava attention a Turchia, ubi le duo lateres militar Russia e Ukraina faceva negotiationes le prime vice facie-a-facie, immediatemente, sin intermediario. Ora io concentra al relationes linguistic del negotiationes: le linguas russe e ukrainian son linguas multo proxime le un al altere e io crede, mutualmente comprensibile. Le negotiationes occurreva in le lingua russe, totevia le ukrainianos – ben que le majoritate de illes parla le russo, mesmo como lingua materne – apportava un utensile a traducer e lo poneva sur le tabula pro symbolisar, que – secundo illes – le lingua ukrainian es "multo differente del russo" e que illes non comprende le russo, le un non comprende le altere. O io me demanda, voleva illes symbolisar solo in senso figurate, non linguistic, que le duo lateres non se intercomprende...?

 

Nomines familial slave in formas feminin ora permittite in Germania

Reforma ab le 1me de maio 2025: in Germania le nomines de familia del minoritate sorabe ab ora pote apparer anque in formas feminin

Femina o homine? Isto pote esser recognoscite in le caso del sorabos/vendos traditionalmente per le nomine de familia, al minus non-officialmente. Officialmente, solmente le variantes masculin esseva permittite. Isto cambia ab ora. E ora il ha etiam plure possibilitates pro infantes.

Le feminas sorabe e vende pote ab immediatemente portar le formas feminin de lor cognomines. Iste formas debe esser approbate e pote etiam apparer officialmente in le carta de identitate. Isto es parte del reforma del derecto de nomines, que ha entrate in vigor le 1me de maio 2025.

Usque ora, nulle formas de nomines specific al sexo esseva permittite pro feminas e pro infantes. "Per consequente, multe feminas sorabe/vende poteva usar lor feminin nomine de familia solmente in privato e debeva portar un altere nomine officialmente," dice le Ministerio de Brandenburg pro Scientia, Recerca e Cultura in un communicato.

Le regulationes previe esseva considerate como antiquate. Pro isto, le Parlamento Federal (Bundestag) ha decidite le cambiamentos al derecto de nomines in april 2024.

Maritate o non maritate?

Secundo le tradition sorabe, le nomine de familia de feminas es extendite per un certe termination, que exactemente depende del stato civil. Le terminationes -ojc o -ic es usate pro feminas non maritate, -owa o -ina pro feminas maritate.

Per exemplo, Senioretta Noack (Nowak) in sorabo es kněžna Nowakojć , Seniora Schuster (Šejć) es kněni Šejćowa. Le nomine de familia Lobeda deveni Lobeźić pro le filia non maritate e Lobeźina pro le matre.

Como "Fräulein" (senioretta) es antiquate in germano, il ha etiam in sorabo ora le tendentia de non plus indicar le stato matrimonial. Assi, feminas pote etiam dicer que illas vole nominar se -owa, non importa si maritate o non.

Secundo le Ministerio de Cultura, etiam pro infantes un nomine de familia pote ora esser seligite que es adaptate al sexo.

Pro exemplo, si Senior Końcak e Seniora Smoła se maritava, le filia poterea nominar se Końcakojć. Quando le filia deveni major de etate, illa pote etiam decider ipse, "si illa vole continuar con le nomine pro feminas non maritate o cambiar a un forma pro feminas maritate," informa le ministerio.

"Parte essential del identitate"

Le representante de Brandenburg pro affaires del sorabos/vendos, le Secretario de Stato pro Scientia e Cultura Tobias Dünow (SPD) es contente que le "membros del populo sorabe/vende ora finalmente pote decider autonomemente qual nomine de matrimonio, nomine de familia o nomine de nascentia illes vole portar etiam officialmente," assi illo sta in le communicato del ministerio.

Le proprie nomine es un parte essential del proprie identitate.

"Le reforma del derecto de nomines es un successo de totes qui se ingagia cata die pro le interesses sorabe/vende," dice Dünow.

Regulas plus flexibile pro pares e infantes

Ultra le nove possibilitates pro nomines sorabe/vende, le derecto de nomines deveni etiam plus flexibile e liberal in general. Il ha ora plus possibilitates con nomines duple. In le futuro, ambe conjuges pote portar un nomine duple. Etiam infantes pote reciper un nomine duple - mesmo si lor genitores non porta un e independentemente si le genitores es maritate o non.

Fonte: https://www.rbb24.de

Traducite per https://claude.ai, redigite e corrigite per Péter Kovács

 

In comparation, de alicun tempore  in Slovachia il es ja permittite pro feminas, qui non vole haber lor nomines familial con le desinentia -ová, obligatori usque alora, que illas lo omitte officialmente. Isto pote occurrer a feminas de origine hungare in Slovachia, si illas vole usar p. ex. Nagy in vice de Nagyová anque officialmente.

 

Desiros e decisiones

 

Alicuno diceva o scribeva, nonobstante que le elementos basic e le materias necessari pro construer le phonographo o grammophono stava a disposition in Europa ja durante le era baroc, nemo los inventava in ille tempore, proque le idea de experimentar con le registration de sono non mesmo appareva in le mentes del gente. Pro illes, le musica significava sempre musica in vivo, le experientia de concertos in vivo, festas de ballo, etc. Illes non desirava reascoltar musica repetitivemente que occurreva in le passato, sempre de maniera identic. Io meditava, si omnes era felice con le transportation per cavallo e non desiderava solutiones plus rapide e de plus longe distantia in minus tempore, e pro isto nemo inventava vehiculos propulsate per vapor (e eventualmente electricitate, etc.) anteriormente? Ah, non - io rejectava le idea - proque multe culturas habeva le cultos de respectar aves, considera solmente le culto turul del hungaros o le vestimentos de plumas del americanos native, assi le desiro pro rapiditate e longe distantias in minus tempore poteva exister. Totevia io crede que in le era pre-industrial, le gente era satisfacite con le possibilitate del transportation per cavallo, assi omnes viveva lor vitas in areas plus micre e non habeva le desiro de viagiar longe- e rapidemente. Le desiro pro isto poteva levar se solmente in alicun scientistas e inventores experimentalista, e le majoritate non pensava a certe possibilitates del progresso - si tu vole, “evolution”. Anque io non ha le desiro pro autos autonome, ma on los totevia developpa. Io anque non haberea le desiro pro autos que functiona con benzina o diesel, ma alicunos decideva isto multo tempore retro, sin consultar le opinion de me o de mi ancestres. “Isto es toto – e puncto! Isto es lo que tu recipe si tu vole arrivar rapidemente a un loco distante.” Ma - io non es experto in isto, io solmente suppone - pro usar energia electric, non es necessari excavar petroleo, etc., ma on face isto totevia pro operar le autos. Forsan proque isto servi le interesses de alicunos? Si, nos pote esser gratiose a illes (illes poterea referer a isto), proque illes crea empleos pro multe personas, illes mantene le mineria como industria. Illes poterea haber decidite non producer e vender ampullas que se funde post un certe tempore, o calceas cuje filos accurre post un certe tempore, calcettas que se perfora, etc., ma alora haberea minus negotios e locos pro empleos. Ora nos ha le intelligentia artificial: le positiones de interpretes, traductores, artistas graphic, etc. es ja in periculo io opina, si nos non es caute e non integra le IA a in le labor human, si nos non lo pone a nostre latere como adjuta, ma lo developpa pro esser plus autonome. Si nos lo developpa pro non haber necessitate de labor human, locos de labor disparera, e postea de ubi habera nos moneta pro comprar lo que nos necessita pro superviver? O io ha arrivate troppo distante del thema del registration phonographic?

 

Relationes hungare del die de Martino de Tours

 

Il es le 11 (dece-prime) de novembre, le die commemorative de (Sancte) Martino, qui nasceva sur le territorio del hodierne urbe hungare Szombathely, le urbe trovabile minus que 60 (sexanta) kilometros de mi urbe Zalaegerszeg, ubi io nasceva e habita. Szombathely in Hungaria alora ha essite nominate como Savaria in Pannonia.

Io non sape, si isto es ver o es un legenda, ma (Sancte) Martino, quando videva, que un homine povre habeva frigido, ille divideva su mantello in duo partes e un parte ille dava al homine povre.





In Hungaria on non particularmente mangia castanias durante le jorno de (St.) Martino, como in altere paises, ma traditionalmente il es usual mangiar ansere in iste die. Iste tradition ha le origine, que secundo le legenda quando on voleva eliger Martino a esser episcopo, ille se celava in le clausura pro anseres in le corte de alicun casa proque ille non voleva esser episcopo, ma le critar del anseres le revelava, assi ille totevia ha essite retrovate e essite eligite como episcopo.





In le folklore hungare on dice: si alicuno non mangia ansere durante le die de (Sancte) Martino, ille/illa va haber fame durante tote le anno... Io spera, que isto non se realisara a me, proque hodie io non ha le intention de mangiar ansere, ma lo faceva le sabbato durante un vespere con musica, que nos faceva in un restaurante del provincia. A saper: recentemente, quando le die de (Szent) Márton non cade al fin del septimana, ma a un die de labor, alora le hungaros organisa vesperes in restaurantes con iste repastos, o evenimentos durante le jorno con iste thematica in alicun die de weekend precedente le ver die de (Sancte) Martino.


Del resto il appare devenir plus frequente in Hungaria, que parentes da nomine Martin a lor filios in vice del forma hungare Márton. Isto non veni del honor verso le “sancto” secundo me, proque alora illes darea le nomine hungare Márton, ma del influentia plus e plus grande del West. Forsan Martin refere a alicun famose actor del films de Hollywood…?

Como on ha essite eveliate ante le horologio?

 

Le eveliatores a candela era instrumentos usate in Europa, specialmente in Anglaterra, durante le XVIIIve e XIXne seculos.
 

 

Illos functionava accendente un candela marcate con lineas que indicava le passage del tempore. Como le candela ardeva lentemente, illo attingeva un clavo de metallo inserite in illo. A causa del cera que se fundeva, le parve objectos de metallo cadeva sur un tabuliero de metallo, creante un sono relativemente forte que serviva como un alarma.
 

Iste eveliatores era relativemente simple e accessibile, e deveniva popular inter le obreros, ante que le horologios mechanic deveniva largemente disponibile.

 

Cinque signos

Cinque signos que indica si un femina es bon in le lecto. Iste cosas debe esser remarcate a illas

Un sito web appellate Men’s Health, que crea contento principalmente pro un publico masculin, publicava un articulo interessante. In illo il es listate cinque signos que, secundo le sito indica si un femina es bon in le lecto. Homines debe prestar attention a iste cosas si illes es interessate in lor objecto de affection.

Illa selige le alimento

Secundo le redactores del sito web Men’s Health, feminas passive sovente “non sape lo que illas vole mangiar”. “Le gusto human in le lecto es tanto variate como le sapores del alimentos,” dice Dr. Helen Fisher, un collaboratrice del Universitate Rutgers. Secundo illa, feminas que pote responder exactemente a iste question general son plus secur in le lecto.

Non solmente le selection las revela, ma etiam como illas lo mangia

Il es dicite que mesmo le maniera in que illas consume le alimentos revela multo super le capacitate del partenaria in le lecto. Candida Royalle, un productrice de films pro adultos dice: “Si alicuna mangia lentemente, il ha un bon chance que illa ama facer amor pro longe durata”.

Le linguage corporal

“Le prime affaire que debe esser notate es le reflexion del comportamento verbal e le rhythmo,” revela Michael Cunningham, PhD, professor de psychologia social al Universitate de Louisville.

“In altere parolas, si su rhythmo e actiones non-verbal coincide con le tues, il es probabile que tu es in harmonia con su comportamento sexual, que es etiam non-verbal.”

Basio

“Le maniera in que tu basia revela multo super como tu face amor,” dice Ava Cadell, PhD, sexologa e autrice de Los Angeles.

Durante que multe expertos dice que le dansa es un signo, Dr. Fisher ha un opinion un poco differente: “Le dansa es energetic, lo que indica que le persona es in bon forma,” dice Fisher. “Ma io pensa que le dansa revela plus super quanto social e secur es le persona,” illa adde.

Le etate del feminas

Le juvene feminas sovente non son legier assatis pro haber orgasmos – nota Dr. Fisher. Ma le feminas habente plus de etate ja sape, que illas vole – e dice isto apertemente.

Google Translate ha apprendite un del linguas tsigan: le romani

 

Nunquam antea deveniva disponibile tante nove linguas  in le servicio de Google Translate al mesme tempore. In le annos recente pareva que poco cambiava in le vita quotidian de milliones de personas qui usa Google Translate. Tamen le equipa de developpamento faceva ora un salto significante per adjunger supporto pro 110 nove linguas al servicio del traduction automatic. Le implementation de iste expansion era multo influentiate per le grande modello de linguage PaLM 2, developpate internemente per Google. In le ultime actualisation linguas generalmente minus parlate se ha unite al offertas del servicio. Alcunes de iste linguas es parlate solmente per poc milles personas in tote le mundo, dum alteres es cognoscite pro centos de milliones. Nonobstante 614 milliones de personas in tote le mundo parla iste linguas, representante circa 8% del population global. Inter le linguas se trova le afaro, le checheno, le cantonese, le manxo, le panjabi (shahmukhi), le tamazight, le tok pisin e le romani (le lingua original del tsiganos - roma, sinthi, kale, manusha, il ha plure nomines como le tsiganos se appella). Google apartemente accentuava le romani, affirmante que le tractamento de varie dialectos de tal linguas produce un grande defia pro le traduction automatic e isto es ubi le capacitates del grande modellos de linguage entra in auxilio.