26.5.08

Le registration audio le plus vetule del mundo es discargabile

Totevia non Edison faceva le prime registration auditive del mundo. A saper: le francese Scott de Martinville le precedeva per 17 (dece septe) annos – il es ver, ille non poteva controlar su registration.

Secundo le universitate scientific francese le canto folkloric „Mary Had a Little Lamb” registrate per Thomas Alva Edison totevia non es le prime registration auditive del mundo. A saper: un imprimitor parisian, Edouard-Leon Scott de Martinville registrava un pecia de 10 secundas le 9 de april 1860 (mille octo centos sexanta), ancora in le tempore de Napoleon le 3tie (tertie).

Le apparato de Martinville nominate phonautographo grattava le undas sonic sur papiro nigrate per le fumo del lampa de oleo. Ben que ille precedeva Edison per 17 annos in le registration, al contrario de ille Martinville non poteva como a controlar, ascoltar le sonos immagazinate per sulcos cavate in papiro.

Solo le historicos e mixers sonic del projecto american First Sounds, occupante se con archivar e salvar registrationes sonic era capace de facer isto, applicante certe methodos de elaborar imagines digital. Le registration, que contine un pecia del canto folkloric francese „Au clair de la lune” es attingibile in formato mp3 sur le sito de First Sounds.


(Traduction de hungaro del pagina web http://hvg.hu )

4 comments:

Laurentio said...

Hmm, le qualitate sonor non es le optime. ;)

Del resto, io vide alcun codices estranie in le entrata, como isto:

"x--[if !supportEmptyParas]--x x!--[endif]--x" etc.

(Ubi le x's representa signos minus e plus grande.)

Anonymous said...

Interessante. Io va discargar le fil ...

Anonymous said...

good start

Anonymous said...

Your blog keeps getting better and better! Your older articles are not as good as newer ones you have a lot more creativity and originality now keep it up!