29.3.06

Sterilisation artificial requiribile ab le etate de 18 annos?

Le Tribunal de Constitution Hungare faceva le judicio, que le regulation usque ora es anticonstitutional e illo votava in favor de lo que le feminas pote decider facer se sterile artificialmente in le etate de 18 annos. Le declaration del Corte Constitutional se publicava immediatemente ante le electiones parlamentari de Hungaria le 9 de april.

Per le momento le cosa pote ser demandate (si on observa le causas de planificar familias, non causas sanitari), si una ha plus que 35 annos; si non, alora illa ha tres infantes proprie. Iste regulation se qualificava ora anticonstitutional per le Judicatura de Constitution, in despecto que secundo multes gente con 18 annos non sempre son assatis matur pro decider in multe questiones. Ab le 1me de julio cessara le concernente duo phrases in le constitution, si le parlamento non livrara un altere decision o non va regularisar le question alteremente. Le sterilisation artificial es un intervention irreversibile e le population hungare ( i.e. in tote le mundo) e hungarian (i.e. in Hungaria) deveni sempre minus (le nascentias vive son minor, que le mortalitate), le abortos artificial son multe e pauc parentes interprende infantes del toto o plus que un o duo a causa del incertitude economic de ora e supponibile in le futuro. E le vita moderne require mesmo del feminas "realisar se mesme", facer carriera e non educar infantes.

Le diminution del population hungarian e hungare es le plus veloce in Europa.

Considerante isto il es plus suspiciose, que le corte pro controlar le constitution publica iste su decision immediatemente ante le electiones parlamentari (causante cambiamento de governamento de Hungaria post) le 9 de april. Existe tal gentes, secundo le quales tres menses (usque julio) es pauc pro consultar le question con le societate (matres, organisationes civil e professional, ecclesias, etc.), dunque durante iste curte periodo on pote facer solmente decisiones in haste, superficial, non assatis elaborate, urgente, etc. Iste regularisation, como multe alteres (p. ex. le possibilitate del aborto artificial) servi forsan le interesses del globalismo (economic-financiari), cuje expectation declarate es, que Hungaria habe in vice de 9 milliones de ora solmente 6 milliones de habitantes...? Isto servirea le interesses financiari-economic international, proque tal multe gente non es besoniate pro le empleos (firmas international, p. ex.), pro le profito, pro le capital.

O forsan le spatio pro le estranieros es besoniate in Hungaria...? Recentemente se construeva multe parcos de habitation con edificios luxuose, con clausuras ben guardate per homines de firmas de securitate e iste habitantes non prende parte in le societate hungare, illes non ha contactos con le nativos, ma vive clause(mente?). Nos sape de illes nihil; illes non mesmo parla le lingua, naturalmente. Iste parcos de habitation non es comprabile per le nativos, a causa del alte precios, ma se construeva sovente in territorios "protegite" de parcos national de natura, importante pro le protection del ambiente, etc.

Le Corte Constitutional es opinate como un "institution impartial, controlante le democratia" e sta super le parlamento. Illo se occupa con petitiones de citatanos o organisationes (partitos anque), dunque illo non face su observationes, cambiamentos, decisiones in le constitution de proprie voluntate, ma solmente post petitiones. In le caso concrete alicun citatano(s) o organisation, etc. peteva le Tribunal Constitutional (il ha plur possibilitates de traducer le nomine hungare de iste organo) de observer iste question. Qui / que illo(s) era, io non sape; ma probabilemente liberal(es). E alora le Corte del Constitution, como un organo hierarchicamente super le parlamento rejecteva le affaire al parlamento: illo initiava, que le parlamento planifica un lege re iste question o simile; ma pois que le parlamento hungare non se occupava con le question le Tribunal Constitutional debeva occupar se totevia con iste question e formular su puncto de vista, etc. e assi forsan le tempore del apparentia de iste question ora non ha relation con le proximitate del electiones. Totevia, le decision del Corte Constitutional monstra un characteristica assatis univocamente determinabile; i.e. ultraliberal o liberal extreme e isto pote servir solmente le interesses del partito liberal (que es assatis micre e ha pauc chance de participar in le parlamento post le electiones).

Como es le affaire del sterilisation artificial de feminas in vostre paises? Como isto es regularisate? Pote una requirer isto de proprie voluntate in le etate de 18 annos?

3 comments:

Anonymous said...

Salute, Péter!

In Norvegia on debe haber al minus 25 annos. Io opnia que a 18 annos on non es sufficente matur pro facer iste decision, super toto quando le operation es irreversibile. Ma esque on a 25 es sufficente matur? In nostre tempore multe feminas ha su prime infante al etate de 30 annos (o plus). Forsan vos deberea conservar le limite de 35 annos. In le mundo moderne existe anque altere methodos de contraception. Sterilisation es un methodo multo drastic ...

Io trova le entrata per medio de Bloglines. Esque tu ha publicate le entrata del tsiganos?

Petro Ferrero de Hungaria said...

Io opina como tu e multes. Io non comprende, proque on deberea cambiar iste regularisation con le 35 annos o con le tres infantes proprie. Pro iste mi admiration io formulava iste articulo.

De facto in le caso del sterilisation artificial non se tracta de contraception, ma del "prevention" de isto, e primarimente del fecundation. De facto le sterilisation pote ser un forma del constante prevention del fecundation.

Io non ancora ha publicate le articulo super le tsiganos, ma le texto es quasi preste.

Petro Ferrero de Hungaria said...

Intertanto le Organisation Mundial de Hungaros (Magyarok Világszövetsége) organisava un s.n. catena vivente circum le parlamento hungare (i.e. homines tenente le manos del vicinos assi faciente un circulo, un cordon circum le parlamento) pro protestar contra iste cambio del lege.

Io non sape, como illo se organisava e qual resultato illo habeva, si del toto.