Relationes hungare del die de Martino de Tours

 

Il es le 11 (dece-prime) de novembre, le die commemorative de (Sancte) Martino, qui nasceva sur le territorio del hodierne urbe hungare Szombathely, le urbe trovabile minus que 60 (sexanta) kilometros de mi urbe Zalaegerszeg, ubi io nasceva e habita. Szombathely in Hungaria alora ha essite nominate como Savaria in Pannonia.

Io non sape, si isto es ver o es un legenda, ma (Sancte) Martino, quando videva, que un homine povre habeva frigido, ille divideva su mantello in duo partes e un parte ille dava al homine povre.





In Hungaria on non particularmente mangia castanias durante le jorno de (St.) Martino, como in altere paises, ma traditionalmente il es usual mangiar ansere in iste die. Iste tradition ha le origine, que secundo le legenda quando on voleva eliger Martino a esser episcopo, ille se celava in le clausura pro anseres in le corte de alicun casa proque ille non voleva esser episcopo, ma le critar del anseres le revelava, assi ille totevia ha essite retrovate e essite eligite como episcopo.





In le folklore hungare on dice: si alicuno non mangia ansere durante le die de (Sancte) Martino, ille/illa va haber fame durante tote le anno... Io spera, que isto non se realisara a me, proque hodie io non ha le intention de mangiar ansere, ma lo faceva le sabbato durante un vespere con musica, que nos faceva in un restaurante del provincia. A saper: recentemente, quando le die de (Szent) Márton non cade al fin del septimana, ma a un die de labor, alora le hungaros organisa vesperes in restaurantes con iste repastos, o evenimentos durante le jorno con iste thematica in alicun die de weekend precedente le ver die de (Sancte) Martino.


Del resto il appare devenir plus frequente in Hungaria, que parentes da nomine Martin a lor filios in vice del forma hungare Márton. Isto non veni del honor verso le “sancto” secundo me, proque alora illes darea le nomine hungare Márton, ma del influentia plus e plus grande del West. Forsan Martin refere a alicun famose actor del films de Hollywood…?

Como on ha essite eveliate ante le horologio?

 

Le eveliatores a candela era instrumentos usate in Europa, specialmente in Anglaterra, durante le XVIIIve e XIXne seculos.
 

 

Illos functionava accendente un candela marcate con lineas que indicava le passage del tempore. Como le candela ardeva lentemente, illo attingeva un clavo de metallo inserite in illo. A causa del cera que se fundeva, le parve objectos de metallo cadeva sur un tabuliero de metallo, creante un sono relativemente forte que serviva como un alarma.
 

Iste eveliatores era relativemente simple e accessibile, e deveniva popular inter le obreros, ante que le horologios mechanic deveniva largemente disponibile.

 

Cinque signos

Cinque signos que indica si un femina es bon in le lecto. Iste cosas debe esser remarcate a illas

Un sito web appellate Men’s Health, que crea contento principalmente pro un publico masculin, publicava un articulo interessante. In illo il es listate cinque signos que, secundo le sito indica si un femina es bon in le lecto. Homines debe prestar attention a iste cosas si illes es interessate in lor objecto de affection.

Illa selige le alimento

Secundo le redactores del sito web Men’s Health, feminas passive sovente “non sape lo que illas vole mangiar”. “Le gusto human in le lecto es tanto variate como le sapores del alimentos,” dice Dr. Helen Fisher, un collaboratrice del Universitate Rutgers. Secundo illa, feminas que pote responder exactemente a iste question general son plus secur in le lecto.

Non solmente le selection las revela, ma etiam como illas lo mangia

Il es dicite que mesmo le maniera in que illas consume le alimentos revela multo super le capacitate del partenaria in le lecto. Candida Royalle, un productrice de films pro adultos dice: “Si alicuna mangia lentemente, il ha un bon chance que illa ama facer amor pro longe durata”.

Le linguage corporal

“Le prime affaire que debe esser notate es le reflexion del comportamento verbal e le rhythmo,” revela Michael Cunningham, PhD, professor de psychologia social al Universitate de Louisville.

“In altere parolas, si su rhythmo e actiones non-verbal coincide con le tues, il es probabile que tu es in harmonia con su comportamento sexual, que es etiam non-verbal.”

Basio

“Le maniera in que tu basia revela multo super como tu face amor,” dice Ava Cadell, PhD, sexologa e autrice de Los Angeles.

Durante que multe expertos dice que le dansa es un signo, Dr. Fisher ha un opinion un poco differente: “Le dansa es energetic, lo que indica que le persona es in bon forma,” dice Fisher. “Ma io pensa que le dansa revela plus super quanto social e secur es le persona,” illa adde.

Le etate del feminas

Le juvene feminas sovente non son legier assatis pro haber orgasmos – nota Dr. Fisher. Ma le feminas habente plus de etate ja sape, que illas vole – e dice isto apertemente.

Google Translate ha apprendite un del linguas tsigan: le romani

 

Nunquam antea deveniva disponibile tante nove linguas  in le servicio de Google Translate al mesme tempore. In le annos recente pareva que poco cambiava in le vita quotidian de milliones de personas qui usa Google Translate. Tamen le equipa de developpamento faceva ora un salto significante per adjunger supporto pro 110 nove linguas al servicio del traduction automatic. Le implementation de iste expansion era multo influentiate per le grande modello de linguage PaLM 2, developpate internemente per Google. In le ultime actualisation linguas generalmente minus parlate se ha unite al offertas del servicio. Alcunes de iste linguas es parlate solmente per poc milles personas in tote le mundo, dum alteres es cognoscite pro centos de milliones. Nonobstante 614 milliones de personas in tote le mundo parla iste linguas, representante circa 8% del population global. Inter le linguas se trova le afaro, le checheno, le cantonese, le manxo, le panjabi (shahmukhi), le tamazight, le tok pisin e le romani (le lingua original del tsiganos - roma, sinthi, kale, manusha, il ha plure nomines como le tsiganos se appella). Google apartemente accentuava le romani, affirmante que le tractamento de varie dialectos de tal linguas produce un grande defia pro le traduction automatic e isto es ubi le capacitates del grande modellos de linguage entra in auxilio.

 

Ukraina pone le anglese como un de su linguas official

 

Le presidente ukrainian Volodimir Zelenskiy signava un bill que pone le anglese como le lingua official pro le communication international in Ukraina, scribe Ukrainska Pravda.
 

Le documento lista mesmo empleos in Ukraina, in le quales le cognoscentia del anglese importara in le futuro:

- officiales, empleatos de governamentos local
- officieros militar
- accusatores
- empleatos de autoritates de fisco
- officieros de doana
- leaders e instructores in le education alte e institutiones scientific
- obligatori al leaders de institutiones sanitari

Le lege portara cambios alsi in le regulas lingual al institutiones statal, governamentos local e altere entitates public. In plus Kiev supportara le promotion del anglese culturalmente. P. ex. cinemas reciperea supporto si illos projectiona films in anglese. Initialmente le lege proponeva que del initio de 2025 le medietate del films anglophone haberea debite presentate in le lingua original con subtitulos ukrainian, ma actualmente isto ha essite rejectate gratias al protestos.

Como motivation les qui pote communicar in anglese al nivello B2 pote reciper 10 % de augmento in lor salarios.

Le transformation habera un impacto significante sur institutiones educational, proque opportunitates de apprender anglese sera provise ab infantia in le kindergartenes e ultra.

 

Le cubo magic de Rubik ha 50 annos

 

Le cubo magic nasceva in 1974, quando le hungare Ernő Rubik inseniava al Collegio de Artes Applicate de Budapest e voleva crear un utensile que adjuta studentes de architectura a comprender geometria.
 

Le production del cubo pro uso public solmente comenciava in 1978, initialmente con solo cinque milles pecias. Le inventor mesme non expectava que su invention deveni popular in tote le mundo, proque ille lo considerava troppo complicate - ille revelava al Daily Mail, que le interviewava al occasion del 50me anniversario.

"In nostre familia moneta non era un thema de conversation, in parte proque nos a pena habeva alcun de illo. Io passava mi infantia detra le Cortina de Ferro in Hungaria in le annos 1950, dunque nos apprendeva organisar nos con lo que nos habeva" - diceva Ernő Rubik, ora 79 annos de etate. Totevia le cubo se ha vendite in 500 milliones de copias in le ultime cinque decennios, e hodie le inventor vive como un multimillionario, oscillante inter Hungaria e Espania con su sposa e lor quatro infantes.

Actualisation: le Cubo Magic de Rubik ha essite includite in le symbolo del presidentia semestral de Hungaria in le Union Europee de julio 2024.