Le cubo magic de Rubik ha 50 annos

 

Le cubo magic nasceva in 1974, quando le hungare Ernő Rubik inseniava al Collegio de Artes Applicate de Budapest e voleva crear un utensile que adjuta studentes de architectura a comprender geometria.
 

Le production del cubo pro uso public solmente comenciava in 1978, initialmente con solo cinque milles pecias. Le inventor mesme non expectava que su invention deveni popular in tote le mundo, proque ille lo considerava troppo complicate - ille revelava al Daily Mail, que le interviewava al occasion del 50me anniversario.

"In nostre familia moneta non era un thema de conversation, in parte proque nos a pena habeva alcun de illo. Io passava mi infantia detra le Cortina de Ferro in Hungaria in le annos 1950, dunque nos apprendeva organisar nos con lo que nos habeva" - diceva Ernő Rubik, ora 79 annos de etate. Totevia le cubo se ha vendite in 500 milliones de copias in le ultime cinque decennios, e hodie le inventor vive como un multimillionario, oscillante inter Hungaria e Espania con su sposa e lor quatro infantes.

 

Silentio japonese

 

- Traduction de un articulo hungarophone -

On vole solver le secreto del maritage longe e successose ja del ancian tempores. Dum le bon communication pote ser un factor determinante, un copula japonese es maritate totevia de 20 annos sin parlar un sol parola le un con le altere. Isto es surprendente mesmo in se, ma il es mesmo plus choccante, proque illes decideva assi.

Le marito japonese levava le “tractamento silente” a un nivello satis nove.

Le “tractamento silente” significa, que on cessa le communication oral con le partenario qui proba communicar con uno e attende responsa de uno. Il occurre sovente, que post un querela alicun membro del copula utilisa isto.

Pote tu imaginar, que tu vive con alicuno qui non te adressa jammais? Le caso del copula japonese del region Nara es justo assi. Le relation de Otu Katayama e su sposa Yumi transversava un periodo rude durante duo decennios.

Le viro non abbordava a su marita durante decennios, nonobstante que illes viveva sub le mesme tecto.

Otu Katayama viveva insimul con su sposa e infantes. Ben que Yumi Katayama essayava formar conversationes con su marito, illa sempre incontrava in le mur del silentio. Su sposo se exprimeva exclusivemente per signos nonverbal, i. e.: nutamento o murmure.

Interessantemente il non mesmo levava in le marita, que illa divorcia de su marito. Mesmo lor tertie infante nasceva assi, que durante illo Otu Katayama diceva nulle parola a su sposa.

Le causa del mutismo de Katayama es stupefaciente.

Post alicun annos le viro faceva clar, proque ille subjaceva su sposa al “tractamento silente”. Katayama sentiva, que ille non recipe assatis de attention del femina. Ille sentiva, tote le attention e cura de su marita se dirige exclusivemente verso lor infantes.

Primo ille era de mal humor a causa de isto, ma postea ille deveniva definitivemente jelose a su infantes, a cuje education le sposa era occupate.

Gratias a un programma televisive le copula finalmente parlava le un con le altere post 20 annos.

Post plen mutismo de 20 annos le problema ha essite solvite per le infantes ja adulte del copula japonese. Illes se tornava pro adjuta a un programma televisive a fin de solver le conflicto inter lor parentes. Le TV Hokkaido decideva adjutar le infantes pro finalmente audir, que lor patre parla a lor matre.

Le infantes narrava, que ille non habeva audite jammais lor parentes parlar le un con le altere. Le TV Hokkaido organisava un incontro inter Otu e Yumi in le mesme parco, ubi illes habeva lor prime rendez-vous. Sin que le copula habeva sapite, le infantes les controlava, como le telespectatores anque.

Post poc hesitation Otu Katayama finalmente adressava alicun parolas a su sposa, Yumi. Le marito diceva: ille sape, que su silentio causava dolor e difficultate a su marita. Le patre se tornava con repententia a Yumi e la regratiava que illa remaneva presso ille alsi durante le silentio de duo decennios que finiva in ille die.